МЕМЛЕКЕТКЕ ҚАЙТАРЫЛҒАН АКТИВТЕР ЕСЕБІНЕН ОБЛЫСТА 11 ЖОБА ҚОЛҒА АЛЫНДЫ

Ulytautv 02-июл, 11:49 0 ЖАҢАЛЫҚТАР / ҰЛЫТАУ ОБЛЫСЫ

Заңсыз иемденген қаражат мемлекетке қайтарылып, әлеуметтік маңызы бар нысандардың құрылысына жұмсалып жатыр. Мәселен, Қаражал қаласы мен Манадыр станциясында жаңа мектептердің құрылысы жүріп жатыр. Бұған дейін Жаңаарқа ауданына қарасты Манадыр ауылындағы оқушылар үш бөлмелі тар үйде білім алса, Қаражал қаласындағы Теміржол шағын ауданының балалары теміржол өткелінен өтіп, қалаға қатынап оқитын.

Жәнібек НӨПІРОВ Ұлытау облысы әкімінің орынбасары

2025 жылдағы алдағы күтіп оытырлған нысандар бойынша біз айтып өтуге болады Қаражал қаласы мен Жаңаарқадағы Манады аулыныда 80 орындық 2 мектеп салынатын болады. Бұл қайтарылған активтер, бас прокуратураның жобасы болды. Ол 2 жоба да биыл іске қосылып балалар мектепке баратын болады.

Айқын ЕЛЕУСІЗОВ Қаражал қаласының әкімі

Вокзал шағын ауданында тұрмыз. Бұл жерде 80 орындық 2 қабатты мектеп құрылысы жүріп жатыр. Бұл қуантарлық жағдай. Балалар қалаға қатынайтын бұрын.Кестеге сәйкес жүріп жатыр жұмыс. Жұмыс барысында кедергі жоқ.

Шалғайдағы елді мекендерде бірнеше фельдшерлік-акушерлік пункттің құрылысы да қолға алынған. Солардың бірі – Кеңгір ауылындағы отбасылық-дәрігерлік амбулатория. Қазір құрылыс жұмыстарының басым бөлігі аяқталып, ішкі әрлеу жұмыстары жүріп жатыр.

Ринат АЛМАТОВ құрылыс, сәулет және қала құрылысы басқармасы басшысының орынбасары

Кеңгірде дәрігерлік амбулатория салынды. Енді ол жақта медициналық көмек алуға болады. Медициналық пунктер мен амбулаторияларды қыркүйек айында пайдалануға береді деп жоспарлап отырмыз.

Облыс прокурорының аға көмекшісі Мирас Сәруар тұрғындардың сұранысы бойынша 11 әлеуметтік нысан іріктеліп алынғанын айтып, әлеуметтік нысандар аймақтарда орналасқандықтан аймақ прокурорлары үнемі қадағалау жүргізуде деді. Әзірге,құрылыс барысында бұзушылықтар анықталмаған. Сондай-ақ қайтарылған қаржы есебінен Жаңаарқа ауданындағы 2 ауылға ауызсу құбыры тартылып жатыр.

ГҮЛІМ МАРАТҚЫЗЫ ДУМАН ОРАЗОВ

«ҰЛЫТАУ» ТЕЛЕАРНАСЫ