МЭМС ЖҮЙЕСІН ІСКЕ АСЫРУ БАРЫСЫ

Ulytautv 08-апр, 15:41 0 ЖЕЗҚАЗҒАН ҚАЛАСЫ / ЖАҢАЛЫҚТАР / ҰЛЫТАУ ОБЛЫСЫ

Биыл қатерлі ісікке шалдыққан пациенттерге көрсетілетін медициналық көмек көлемі 41% пайызға артқаны мәлім болды. Соынмен қатар,қазіргі таңда әлеуметтік медициналық сақтандыру қорының Ұлытау облысы бойынша филиалы 33 медициналық ұйыммен келісім-шарт жасасқан.

Абылайхан РАХЫМОВ Әлеуметтік медициналық сақтандыру қорының Ұлытау облысы бойынша филиалы директорының м.а.

Медициналық мекемелердің 13-і мемлекеттік, 20-ы жеке меншік. 2024 жылы 32 медұйым, 13-і (42%) мемлекеттік, 19-і (58%) жеке меншікпен жұмыс атқарды. Яғни жылдан жылға медициналық мекемелердің МӘМС жүйесімен жұмыс жасауға қарқыны өсіп келеді.

Қор бүгінде көрсетілген медициналық қызметтерге мониторинг жүргізіп,тұрғындардың құқығы қорғаумен айналысады. Халық емханалардағы ұзын сонар кезек, бейінді мамандарға жолдама алу, КТ мен МРТ ұзақ күту, медицина қызметкерлерінің дөрекі қарым-қатынасы мен білікті дәрігерлердің жетіспеушілігі секілді мәселелерге жиі шағымданады.

2025 жылдың І тоқсанында Филиалдың СRМ жүйесіне Ұлытау облысының медициналық мекемелерінің қызметіне қатысты 58шағым түсті. Филиал мамандары түскен өтініштер мен шағымдардың әрқайсысын жеке-жеке қарап, оң шешімін табуына атсалысты.

Өңірде сақтандырылмаған азаматтарды міндетті медициналық сақтандыру жүйесіне тарту жұмыстары жалғасуда.Ұлттық статистика бюросының 2025 жылғы 1 сәуірдегі деректеріне сәйкес облыста 25 125 адам сақтандырылмаған.

ГҮЛІМ МАРАТҚЫЗЫ, ДУМАН ОРАЗОВ «ҰЛЫТАУ»ТЕЛЕАРНАСЫ