ЖАҢА СПОРТ АЛАҢЫ АШЫЛДЫ

Ulytautv 02-июн, 17:39 0 ---

1 маусым-Балаларды қорғау күнінде өткен салтанатты шара ерекше көңіл-күймен басталды. Балалар жаңа спорт кешенін тамашалады. Олар енді бос уақытын пайдалы өткізіп,спортпен шұғылдана алады.Мерекеге арнайы келген қонақтар балаларды мерекемен құттықтап,осындай сауапты іске атсалысқан жандарға алғыс білдірді.

Раушан ҚАПАРОВА Жезқазған қалалық мәслихатының төрағасы

Осы тамаша мерекемен баршаңызды құттықтаймын.Осы біздің балаларымыз ертеңгі болашағымыз.Балаларымыздың қуанышы әр ата-анаға,әр осы біздің елімізге,халқымызға,болашағымызға балалардың қуанғаны,балаларға сыйланған сыйлық осының барлығы біздің еліміздің болашағының сыйлығы.Болашаққа тартқан тарту деп есептеймін.

Жаңа спорт алаңы мекеме ауласында орналасқан. Салтанатты лента қиылған соң,қонақтар мен орталық тәрбиеленушілері спорт кешенін аралап шықты.Жас спортшылар өз өнерлерін көрсетіп бокс,волейбол,баскетбол және футболдан шағын көрсетілімдер жасады.

Жаттықтырушылардың айтуынша, бұл алаң балалардың спортқа деген құлшынысын арттырып, дене шынықтырумен тұрақты айналысуына жол ашады. Олар алдағы уақытта нәтижелі көрсеткіштерге қол жеткіземіз деп отыр.

Руслан БЕКМАҒАМБЕТОВ, жаттықтырушы

«Мұндай заманауи алаң – үлкен мүмкіндік. Балалар қуанып жүр, біз де шабыттанып отырмыз. Қорларға алғысымыз шексіз.»

Сергей ДАНИЛОВ, жаттықтырушы

«“Батыр болам”, “Қазақстан халқына” қорларына және бұл жобаны іске асырған “Рем Строй” компаниясына ерекше алғыс. Енді мұнда балалар түрлі сопрт түрімен айналысып,денсаулығын нығайта алады.»

Балалар үшін ұйымдастырылған мерекенің жалғасы ән мен биге ұласты. Тайжан Қалмағамбетов атындағы филармония әртістері мен орталық тәрбиеленушілері сахналық қойылымдар қойып, аниматорлар көңіл-күйді көтерді.Салтанатты жиынның соңында демеуші қор өкілдеріне қазақы дәстүрмен шапан жабылып, алғыс білдірілді.

АЙДАНА БАЗАРБАЙҚЫЗЫ, БЕКЖАН МАРАТҰЛЫ

«ҰЛЫТАУ» ТЕЛЕАРНАСЫ