МЕКТЕП КӨШБАСШЫЛАРЫНЫҢ ҚАЛАЛЫҚ ФОРУМЫ

Ulytautv 29-май, 15:50 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

Іс-шараны Жезқазған қаласының білім бөлімі мен Жастар ресурстық орталығы бірлесіп ұйымдастырған.Қаланың жеті мектебінен келген оқушылар мектептегі бастамаларымен,фракция жұмыстары және көшбасшылық тәжірибелерімен бөлісті. Форум TEDx форматына негізделіп,әр қатысушы білім ордаларына қатысты өзекті мәселелерді талқылады. Әр қатысушыға 5 минут уақыт берілді. Әділқазылар тақырыптың ашылуы, көшбасшылық қасиет,тыңдаушыны шабыттандыру сынды жеті критерий бойынша бағалады.

Лаура ДҮЙСЕН Жезқазған қалалық білім бөлімінің тәрбие ісі жөніндегі әдіскері

Бұл форумның басты мақсаты-жастардың бойында белсенділікті,ұшқыр ойды, азаматтық позицияны және командалық үйлесімді қолдауға бағытталған.

Форумға қатысушылар көшбасшы болу үлкен жауапкершілік екенін айтады. №1 мектептің мәдениет және өнер фракциясының белсендісі Айтжан Алпысбай. Ол оқушыларды түрлі іс-шараларға тартып, сенімді сөйлеу мен мәдениеттілікке баулиды. Айтжан жетекшілік еткен «Дос болайық» жобасы аясында мектепте дебат ұйымдастырылып, қазіргі кезде 7–8 сынып оқушыларын қалалық жарыстарға дайындауда.

Айтжан АЛПЫСБАЙ №1 ЖББМ парламентінің белсенді мүшесі

Осы фракциядағы менің басты міндеттерімнің бірі ол жанағы айтып кеткендей әлеуметтендіру оқушыларды,оқушыларды осы мектептегі көптеген іс-шараларға баулу.Оқушылардың бойынан мәдениеттілік,өзін ұстай білу,еркін сөйлеу білу деген сияқты дағдыларды қалыптастыру. Кішкентай кезімнен өзі қалалық іс-шараларға мектеп өміріне өте қатты тығыз байланыста болғым келді,араластым.Және де үлкен сыныпқа келгенімде бұл мен үшін өте үлкен мүмкіндік деп таныдым.Және де сол себептен мен фракцияның мүшесі болуға бел будым.

Мейіржан АМАНҚҰЛ Қ.И.Сәтбаев атындағы №7 мектеп-лицейінің президенті

Мектепте көптеген іс-шаралар немесе балалармен жеке эмоционалдық жұмыстар жүргізуге үлкен рөл атқарам. Енді басты мақсаттарым осы Президент болғандағы ол балалардың мұғалімдермен арасындағы қарым-қатынастарды нығайту,жақсарту.Көшбасшы болу ең бастысы маған эмоционалдық лидерлікті үйретті. Себебі көшбасшы деген қатал мінезді, бұйрық беретін адам емес ол адамдарды немесе өзініңқасындағы команданы немесе қоғамды түсіне білетін адам екенін көрсете білу керек.

Форум қорытындысы бойынша үздіктер анықталды. Бас жүлде – №8 мектеп-гимназиясына, ал бірінші орын – №1 жалпы білім беретін мектепке бұйырды.Ал, белсенділігімен ерекшеленген қатысушылар арнайы номинациялармен марапатталды.

АЙДАНА БАЗАРБАЙҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ