Ұлытау облысының құрылғанына 3 жыл

Ulytautv 09-июн, 14:17 0 ЖАҢАЛЫҚТАР / ҰЛЫТАУ ОБЛЫСЫ

Жезқазған бүгінде – жас облыстың орталығы. Ұлытау облысының құрылуымен бұл қалада бірнеше әлеуметтік, мәдени және спорттық нысандар бой көтеруде. Айтулы мерекеге орай Алаш алаңында жергілікті өнерпаздардың қатысуымен мерекелік концерт өтті.

Мағжан ТАБЫЛДИН Ұлытау облысы мәдениет, тілдерді дамыту және архив ісі басқармасының басшысы

Жалпы бұл халыққа деген сый-құрметі. Жалпы бүгінгі күні бүкіл облыс жұртшылығын осы құрылған облыс жұртшылығын бүгінгі іс-шарамызбен 3 жылдық мерейтоймен шын жүректен құттықта,ғым келеді. Мерекеміз құтты болсын, облысымыздың әлеуметтік-экономикалық дамуы жылдан жылға қарқынды өсе берсін. Мереке баршамызға құтты болсын.

Кеш барысында жергілікті өнерпаздар елге деген сүйіспеншілігін, туған өлке рухын ән мен жырға қосты. Сахна төрінде «Алтын орда» ұлттық аспаптар ансамблі, «Қарақат» студиясы, «Шашу», «Тұмар», «AisDance» студияларының бишілері мен Жезқазғандық әншілердің өнері көрерменнің ыстық ықыласына бөленіп, мерекелік көңіл-күй сыйлады.

Елтынды ДҮЙСЕНБАЕВ қала тұрғыны

Осы мерейлі мейрамымызбен облыс тұрғындарын, қала халқын шын жүректен құттықтаймыз. Ұлытау қашаннан қасиетті мекен, ұлтты ұйыстырған тарихи жер болған. Жалпы, елде, облыс халқында қуаныш үлкен. Мереке құтты болсын, облысымыз өркендеп, жайнап өсе берсін.

Мейрамкүл ТҮСІПБАЕВА қала тұрғыны

Осы Жезқазғанда тұрып жатқаныма 46 жыл болды. Осы Жезқазғанның көркейіп, өніп жатқанына біз қуыныштымыз. Көркейе берін, өне берсін, жүре берейік. Осындай жақсылықта осындай басымыз қосылып, кеңейе берейік. Өрісіміз кеңейе берсін.

Қасиетті Ұлытау облысының туған күні- барша тұрғын үшін үлкен қуаныш, ортақ мереке. Мерейлі мекеннің мерекесі құтты болсын!

АЛМА СӘЛІМЖАНҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ