ПАТРУЛЬДІК ПОЛИЦЕЙДІҢ БІР КҮНІ

Ulytautv 20-июн, 16:39 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

Көшедегі тыныштықты күзетіп, халықтың қауіпсіздігін қамтамасыз ететін патрульдік полицей бір күнде сан түрлі жағдайды бастан кешіп жатады. Бүгінде бұл салада қала бойынша 45 қызметкер еңбек етсе, оның 25-і тәуліктік кезекшілікке түседі.

Бекзат БИЖАКСИНОВ Жезқазған қаласы ПБ патрульдік полиция ротасының взвод командирі

Жалпы патрульдік полиция қызметі жол қозғалыс ережесін сақтау қадағалау емес сонымен қатар азаматтардың құқығын қорғап қылмысты болдырмау сондай бағыттарда да жұмыс істейді,азаматтармен жұмыс істейді, әрбір шақыртуларға барады.

Олар таңан бастап кешке дейін ауа райының ыстығы мен суығына, тіпті өз мерекелеріне қарамастан кезекшілікте жүреді.Полицияда 10 жылдан астам қызмет атқарған Еркебұлан Бұхарбаев тәртіп сақшысы болуды әскерде жүргенде мақсат еткен. Әкесі де ішкі істер саласында қызмет атқарған. Әке жолын жалғаған Еркебұлан бүгінде қоғамдық тәртіп пен қауіпсіздікті сақтау жолында абыроймен еңбек етіп жүр.

Еркебұлан БҰХАРБАЕВ Жезқазған қаласы ПБ патрульдік полиция ротасының қызмет инспекторы

Әкімшілік құқықбұзушылық жасаған адам болсын, қылмыскер болсын,жұмысымызда көптеген жағдайлар туындап жатады. Сол жағдайларда әрине бізге ең бірінші сабыр, төзім,шыдамдылық сияқты қасиеттер керек.Одан бөлек ең басты мақсатымыз біздің қоғамдық тәртіпті қорғау,қоғамдық қауіпсіздікті қамтамасыз ету,жол қауіпсіздігін қамтамасыз ету. Енді 24/7 деп айтсақ та болады қызметтеміз.

Өз өмірін қауіпке тігіп, өзгеге көмекке келуге дайын полицейлердің жұмысы оңай емес.Антқа адал, сертке берік олардың ұстанған қағидасы осы.

Еркебұлан БҰХАРБАЕВ Жезқазған қаласы ПБ патрульдік полиция ротасының қызмет инспекторы

Жаңа жыл уақытында қызметке түстік. Кешкі сағат 22.30 шамаларында жанұялық жанжал деген хабарлама түсті.Қолында пышақ подьезде жүр делінген.Бардық, барсақ, ер кісі әйел кісімен жанжалдасқан. Пышақ жүргіткен. Сол хабарлама есте қалды. Мен іште тұрған кезде күдік адам 2 қабаттан қшаып кеткен. Әріптесіміз екеуіміз ұстап ПБ жеткіздік. Тиісті жауапкершілікке тартылды.

Сондықтан ел дегенде елеңдеген полиция қызметкерлерінің еңбегі ерен екені анық. Айта кету керек, тәртіп сақшылары небәрі 2 сағат ішінде жол ережесін бұзған жүргізушілерге ескерту жасап, бірқатар әкімшілік хаттама толтырды. Сонымен қатар, кезекші бөлімнен түскен шұғыл хабарламалар бойынша оқиға орындарына барып, тиісті шаралар қабылдады.

ГҮЛІМ МАРАТҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ