ОБЛЫСТЫҚ ЖАС ИНСПЕКТОРЛАР СЛЕТІ

Ulytautv 23-май, 10:29 0 ЖАҢАЛЫҚТАР / ҰЛЫТАУ ОБЛЫСЫ

Жол қозғалысы қауіпсіздігін қамтамасыз ету аймақтағы өзекті мәселелердің бірі.Балалар мен жасөспірімдердің қатысуымен жол-көлік оқиғаларының алдын алуға бағытталған шараға Жезқазған,Сәтбаев,Қаражал қалалары мен Ұлытау, Жаңаарқа ауданынан келген 5 команда қатысты.Байқауда 11-14 жас аралығындағы 40 -қа жуық оқушы бақ сынасты.

Маратбек ТӨРЕБЕКОВ Ұлытау облыстық білім басқармасы басшысының м.а.

Бұл игі іс жас ұрпақтың мынау жолда жүру мәдениетін қалыптастыруға, жауапкершілікке, жолдағы тәртіпке деген бағытталған іс бұл. Және бұл алаң біздің біліміміз бен дағдымызды шыңдайтын алаң ғана емес, бұл достық пен ынтымақтастықтың ортасы.

Қайырбек РАХЫМБЕКОВ Ұлытау облысы ПД ЖПҚ басқармасы бастығының орынбасары

Бұл слеттың негізгі мақсаты жол көлік оқиғаларын болдырмау,оның ішінде балалардың жарақат алуын болдырмау және жас жол инспекторларының осы жол жүру ережелерін қағидаларын жетік білуін жеткізу халыққа.

8 кезеңнен тұратын бұл жарыста оқушылар өз білімдері мен шеберліктерін көрсете білді. Велосипедпен жүріп жарысты,жол ережелерін жатқа айтты,тіпті алғашқы медициналық көмек те көрсетті.Әрқайсысы-өз мектебінің намысын қорғап,үлкен дайындықпен келген. Солардың қатарында Қаражалға қарасты Жәйрем кентінен келген «Бағдаршам» тобының командирі Әли Болат та бар.Ол болашақта полиция қызметкері болсам дейді.

Әли БОЛАТ Жәйрем кентінің №30 ЖББМ оқушысы

Мен бүгін Ұлытау облысында өтіп жатқан жас сақшылар слетына қатысудамын және бұл слет маған қатты ұнап жатыр және мен өзіме керегімді алып жатырмын.Жолда қалай жүру керек екенін біліп жатырмын. Мен өскенде полицей қызметкері болғым келеді.

Назерке КЕНЖЕҒАРА Жаңаарқа ауданы Ақтүбек ЖББМ оқушысы

Мен Ұлытау облысы Жаңаарқа ауданы Ақтүбек мектебінің 7 сынып оқушысымын. Бүгінгі слет маған қатты ұнап жатыр.Біз жол ережелері туралы көп мәліметтер алдық. Және де осы ережелердің барлығын басқа адамдарға жолдаймыз.

Байқау соңында оза шапқан командалар марапатталып, бағалы сыйлықтарға ие болды. 1 ші орынды Сәтбаев қаласының оқушылары жеңіп алды. Олар енді облыс намысын республикалық деңгейде қорғайды. Ал, Жезқазған қаласы екінші орынды иеленсе, Жаңаарқа ауданы үшінші орыннан көрінді. Ұйымдастырушылар мұндай тағылымды шаралар алда да жалғасын табатынын жеткізді.

АЙДАНА БАЗАРБАЙҚЫЗЫ, БЕКЖАН МАРАТҰЛЫ

«ҰЛЫТАУ» ТЕЛЕАРНАСЫ