САЛАУАТТЫ ҰРПАҚ-ЖАРҚЫН БОЛАШАҚ

Ulytautv 30-июн, 10:39 0 ЖАҢАЛЫҚТАР / ҰЛЫТАУ ОБЛЫСЫ

Облыста есірткімен байланысты құқықбұзушылықтарға қарсы жүйелі жұмыс жүргізілуде.Жыл басынан бері 58 есірткіге қатысты қылмыстық іс тіркеліп, бір есірткі зертханасы анықталған. Есірткі сатудың 16 фактісі тіркеліп,заңсыз айналымнан 3 келіге жуық түрлі есірткі заттары тәркіленді. Сонымен қатар, нашақорлықты насихаттайтын 550 интернет-сайт пен 1200-ден астам банк картасы бұғатталған.

Ерлан ОСПАНОВ Ұлытау облысы ПД есірткі қылмысына қарсы іс-қимыл басқармасының бастығы

Бұл мерекелік концерт әкімшілікпен,басқа да үкіметтік емес ұйымдармен бірігіп,әрине еріктілермен біздің волонтерлармен бірігіп өткізіп жатыр.Бұл бүгінгі күнгі концерттік программаның негізгі шарты ол жастарға қоғамда салауатты өмір салтын ұстану.Бүгін біз мерекелік осы концертте бірнеше осы біздің ұйымдастырған 1 айлық шараларымызға белсенді қатысқан жастарға марапат ұсындық.

Биыл облыс бойынша 400-ден астам ақпараттық-насихаттық және спорттық іс-шара ұйымдастырылған. Соның ішінде жастардың қатысуымен есірткі жарнамасы бар граффитилерді жою, түсіндіру жұмыстары сынды акциялар тұрақты түрде өткізіліп келеді.Осы бағыттағы белсенді еңбегімен көзге түскен еріктілер де марапатқа ие болды.

Жанар КЕҢЕС ерікті

Қазіргі жастарға осы нашақорлықтың зиянын түсіндіру бізде өте маңызды болып табылады,себебі қазіргі таңда осы нашақорлықты таратумен біздің жастар яғни мысалы айтқанда 5-6 сыныптың балалары да жұмыс істеп жатқан балалар бар курьерства деп айтамыз.Соның алдын алуымыз керек.Қоғамда өзімнің осындай іс-шараларға көмегім тигеніне өте қуаныштымын және де осыған жастарды шақырамын және соған көп алғысымды білдіремін.

Фатима ТАЛҒАРҚЫЗЫ ерікті

Біз Ұлытау облысының полиция департаментімен бірге көптеген іс-шаралар ұйымдастырдық.Мысалыға графити өшіру сынды көптеген іс-шаралар.Біз оны ұйымдастыру арқылы нашақорлыққа қарсы күрес жасап,өзіміздің жастарға көптеген үлесімізді қостық деп санаймыз.Және де бүгін полиция департаментінен марапат алғаныма өте қуаныштымын.Алдағы уақытта осындай жұмыстарды әрине жалғастырамыз.

Мерекелік кеште театрландырылған қойылым, флешмоб, кинологиялық қызметтің көрсетілімі болып, эстрада жұлдыздарының қатысуымен концерт өтті. Сахнаға шыққан өнер ұжымдары мен полиция қызметкерлерінен құралған шығармашылық топтар көрерменге салауатты өмір салтының маңызын өнер арқылы жеткізді.Айта кетейік, бүгінде облыс бойынша нашақор ретінде 168 адам есепте тұр. Оның 148-і-ер азамат, 20-сы-әйел. Жасөспірімдер арасында тіркелген жағдай жоқ.

АЙДАНА БАЗАРБАЙҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ