ЕСІРТКІГЕ ҚАРСЫ СУРЕТ БАЙҚАУЫ

Ulytautv 05-июн, 16:45 0 ЖАҢАЛЫҚТАР / ҰЛЫТАУ ОБЛЫСЫ

«Есірткіге қарсымыз» тақырыбындағы байқауға 4-7 сынып аралығындағы оқушылар қатысты.Түрлі техникада орындалған 80-нен астам сурет көрме ретінде көпшілік назарына ұсынылып,үздік туындылар қазылар алқасының шешімімен марапатқа іріктелді.

Наурызбай ЕСІРКЕП Ұлытау облысы прокурорының көмекшісі

Жалпы мақсаты осы бүгінгі іс-шараның ол есірткіге тәуелді болмау, жастайынан есірткіге қарсы болу, қазіргі таңда өзекті мәселе ол синтетикалық есірткі болып табылады. Сол синтетикалық есірткіге қарсы болу.

Жас өрендер қылқалам арқылы есірткінің қоғамға тигізер зиянын бейнелеуге тырысты.Әділқазылар әр жұмысты көркемдік деңгейі,техникалық шеберлік пен тақырыпты ашу дәрежесіне қарай бағалады.

Наталья ВИШНЯК қазылар алқасының мүшесі

Балалардың суреттері өте әсерлі шықты. Тақырыпты ашуда да,бояуды таңдауда да үлкен жауапкершілік танытты. Біз үздік жұмыстарды марапатқа ұсындық. Ал балаларға алдағы уақытта да шығармашылық табыс тілейміз.

Байқауда озық шыққан оқушылар дипломдармен және қаржылай сыйлықтармен марапатталады.Ұйымдастырушылардың айтуынша, мұндай байқаулар балалардың ой санасын тереңдетіп,зиянды әдеттерден алшақ болуына ықпал етеді.

АЙДАНА БАЗАРБАЙҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ