"Горняк" стадионы пайдалануға берілді

Ulytautv 08-май, 13:11 0 ЖАҢАЛЫҚТАР / ҰЛЫТАУ ОБЛЫСЫ

450 көрерменге арналған стадион заманауи талаптарға сай жабдықталған. Жаңа жасанды көгал төселіп, қосымша спорттық құрал-жабдықтармен толыққан. Енді мұнда спорттың бес түрімен айналысуға мүмкіндік бар. Айта кетейік, жаңғырту жұмыстары 2024 жылдың соңында аяқталғанымен, құжат рәсімдеу кезінде туындаған кідірістерге байланысты ресми ашылу сәл кейінге шегерілген еді.

Диана ОСПАНБЕКОВА Қаражал қаласы әкімінің орынбасары

Осы енді нысанымызда көпшілік спорстмендеріміз, бос уақытын өткізе алады. Жарыстарға дайындала алады. Бұл стадион үнемі ашық болады.

Жаңа кейіпке енген стадионның ашылуы қала тұрғындары мен спорт сүйер қауым үшін үлкен қуаныш болды. Енді қаланың спорттық өміріне серпін беріліп, болашақ чемпиондар дәл осы алаңда дайындалады.

Жансая САЖИНОВ Қаражал құрама командасының бас бапкері

Бүгін біз үшін ерекше қуанышты күн болып жатыр. Мына Горняк стадионымыз 3-4 жылдан бері реконструкцияда болып бүгін ашылып жатыр.Бұл біздің қаламыздың спортына үлкен бір серпіліс. Жастардың спортқа деген құлшынысы көп. Сол құлшынысты арттыруға мүмкіндік беріп отырған қала әкімішілігіне рақмет.

Ернұр ДҮЙСЕНБАЙ жас футболшы

Мен футбол ойнап жүргеніме 7 жылдан астам уақыт болды. Маған футбол ұнайды. Міне бізге жаңадын стадион ашып беріп жатыр. Енді осында дайындалатын боламыз. Әрі қарай өз қаламызды дамытамыз деген ойдамын. Сүйікті футболистім Рональдо. Болашақта, Ұлытау обылсының командасына кіргім келеді. Қазақстанды футбол жағынан әлемге танытқым келеді

Стадион маңына 2 қабатты ғимарат салынған. Балаларға арналған бөлме мен әкімшілік бөлмелер бар. Жүгіру, футбол мен теннис алаңдары қарастырылған. Ашылу рәсімінен кейін футболдан турнир өтіп, аяқдопшылар барын салды. Жарыс нәтижесінде 3-орынды – «БЕЛЕС» , 2-орынды – «Қаражал» командасы, ал 1-орынды – «Кармет Өркен-Атасу» командасы иеленді. Айта кету керек, Қаражалдағы аумағы 1 мың шаршы метрден асатын жабық бассейн де келер аптада ашылады деп күтіулде.

ГҮЛІМ МАРАТҚЫЗЫ, АЙДОС ӨМІРБЕКҰЛЫ

«ҰЛЫТАУ»ТЕЛЕАРНАСЫ