«ЖАСЫЛ ОЙЫНДАР» ЭКО ОЙЫНДАРЫНА 500 ОҚУШЫ ҚАТЫСТЫ

Ulytautv 19-май, 12:46 0 ЖАҢАЛЫҚТАР / ҰЛЫТАУ ОБЛЫСЫ

«Жасыл ойындар» -бұл тек жарыс емес, табиғатқа жанашырлықты,салауатты өмір салтын насихаттайтын маңызды бастама. Аты айтып тұрғандай,жастар футбол, баскетбол, волейбол спорттық ойындарына қатысып қана қоймай, экологиялық акцияны қолдады. Алып кәсіпорын мұндай іс- шараларды дәстүрлі түрде өткізіп тұрады.

Есет ҚАРАЕВ «Қазақмыс» корпорациясы» ЖШС әлеуметтік саясатты дамыту жөніндегі менеджері

Жалпы біздің акциямыздың басты мақсаты осы балаларға спортты насихаттау,сосын салауатты өмір салтымен қоса қоршаған ортаны жинау сосын қорғауға баулу болып саналады.

Акция аясында Жезқазған қаласында мектеп аумақтары толық тазартылып, 40-тан астам қап қоқыс жиналды. Ал Сәтбаев қаласындағы «Жеңіс» саябағында өткен сенбіліктен кейін бір жүк көлігі толы қоқыс шығарылып,барлық қалдықтар тиісті мекемелерге тапсырылды.Оған қатысушылар мұндай іс-шараның маңыздылығын айтып,қала тұрғындарын белсене атсалысуға шақырды.

Бейбарыс БАЙЗАКЕШ акцияға қатысушы

Біздің мектебіміздің мақсаты жеңіске жету емес,қаламызды таза ұстау.Менің өзімнің қатарластарыма айтатыным,қаламызды,туған жерімізді таза ұстап және осындау акцияларға үлестерін қосып отыру.

Айша ИГЕНБАЕВА акцияға қатысушы

Біз 7 мектеп 1ші орын алғанымызға қуаныштымыз. Бұл экологиялвқ акция негізі өте маңызды.Біздің қаламызды тазартуға көмектеседі. Осы керемет іс-шараны ұйымдастырып жатқан ұйымдастырушыларға рахметімді айтам.

Акция нәтижесі бойынша барлық қатысушы балаларға естелік сыйлықтар табысталды. Ал үздік нәтиже көрсеткен командалар жүлделі орындарға ие болды. Ұйымдастырушылардың айтуынша,бұл игі бастама алдағы уақытта да жалғасын табады.

АЙДАНА БАЗАРБАЙҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ