Таңертеңгі күн таза ауада сергіту жаттығуларымен басталды. Одан кейін қатысушылар спорт алаңының аумағында сенбілік ұйымдастырып, белсенді түрде жұмыс істеді. Ұйымдастырушылардың айтуынша, #жаттығу жобасы – бұл тек ауладағы дене жаттығулары ғана емес, 2022 жылдан бері жастар арасында қоғамдық орындарға жауапкершілік пен құрмет сезімін қалыптастырып келе жатқан үлкен қозғалыс.

Волонтерлер аумақты тазалап, шамамен 2 тоннаға жуық қоқысты жинап, арнайы орынға жеткізді. Сонымен бірге, ағаш көшеттері отырғызылды. Іс-шараға 40-тан астам адам атсалысты. Нәтижесінде спорттық алаң аймағы жаңарып, көркейе түсті.

Мұндай шаралар еліміздің түкпір-түкпірінде ұйымдастырылды. Бір күн ішінде 5000-нан астам волонтер мен белсенділер түрлі аймақтарда демалыс орындары мен аулаларды көркейту жұмыстарын қатар жүргізді. Жобаның негізгі мақсаты – салауатты өмір салтын дәріптеу және азаматтық белсенділікті арттыру.

ГҮЛІМ МАРАТҚЫЗЫ, ДУМАН ОРАЗОВ

«ҰЛЫТАУ»ТЕЛЕАРНАСЫ