БІРЛІК ЖОЛЫ БАБАЛАР ІЗІМЕН ТЕМІРТАУДАН ҰЛЫТАУҒА

Ulytautv 20-май, 14:55 0 ЖАҢАЛЫҚТАР / ҰЛЫТАУ ОБЛЫСЫ

«Qarmet» пен «Kazakhmys Smelting» компанияларының қызметкерлері Теміртаудан Ұлытауға дейін тарихи-танымдық сапар шекті. Сапар барысында делегация Қаражал қаласындағы кен орындарын аралап, өндіріс барысымен танысты. Жезқазғандағы бағдарлама мыс қорыту зауытынан басталды. Қара және түсті металлургия саласының мамандары бір-бірімен тәжірибе алмасып, өндірістік үдерістер жайлы пікір алмасты.

Саят ӘТЕН Жезқазған мыс қорыту зауытының директоры

Бүгінгі іс-шара мынау карметтің ардагерлері және сол жерде жұмыс жасайтын қызметкерлер,жұмыскер кісілер,үлкен кісілер келіп жатыр.Іс-шара бірін бірімен танысу есебінде,және бір –бірімен іс-жоспар алмасу есебінде болып жатыр.Сондықтан да біз өте қуаныштымыз.Бұндай іс-шаралар әлде де бола берсе,біз жан-жақты боламыз деп есептеймін.

Сапар Қазақтың маңдайына біткен геолог-ғалым, қоғам қайраткері, академик Қ.И.Сәтбаевтың ескерткіші тұрған алаңда жалағасты. Онда салтанатты жиын өтіп, іс- шара қатысушылары Сәтбаевтың еңселі ескерткішіне гүл шоқтарын қойып, тағзым етті.

Нұргелді ОМАРХАНОВ «Amanat» партиясының «Qarmet» жанындағы филиалының төрағасы

Кеше Қаражал қаласында болдық. Қаражал қаласында КАРМЕТ АҚына қарасты Өркен Атасу кәсіпорны бар,сонда өндірістегі әріптестерімізбен кездестік. Ол жерде алынатын руда біздің Теміртауға барып,одан қаншама өнім пайда болады,өнім алынады.Солуралы пікір алмастық. Бүгін мынау Қазақмыс мыс-қорыту зауытында болдық,таныстық,көрдік.Академик Қ.И.Сатпаевтың ескерткішіне келіп отырқ.Бұл кісінің енді қазақ металлургиясында алатын орны өте ерекше. Сондықтан сол бабалар ізімен,бірлік жолымен келе жатырқ.

Сапар барысында Ұлытау облыстық тарихи-археологиялық музейі мен «Қазақмыс» корпорациясы жанындағы музейге де арнайы саяхат жасалды. Мұнда қатысушылар тарихпен етене танысып,бабалар жолын зерделеді.Облыстық тарихи-археологиялық музейінде түрлі көне заттар мен тарихи деректер көрсетілсе, Ал «Kazakhmys» музейінде компанияның қалай құрылғаны және өндірістегі жетістіктері кеңінен таныстырылды.

Мұстафа ҒАБДОЛЛАҰЛЫ «Qarmet» АҚ металлургия комбинатының домна цехының қызметкері

Менің өз басыма металлургия саласында жұмыс істегендіктен өте қызық болды.Осыған келгім келіп жүрген,жол түспеді.Бүгін сәті түсіп,цехтың бүкіл процессін көрсетті,бүкіл процесін таныстырды.Жалпы қалай мыс шығатынын өзім толығырақ көз жеткізіп тұрмын.Өзіме қызық болған сәт өзім шойын балқытып,қара темір шығарғандықтан,цветная мыстың қалай балқып қалай шығатынын өз көзіммен көргім келген еді негізі.Өзі осы салада жүргеннен кейін қызықтадым.

Сапар Ұлытау бағытымен жалғасын тапты. Қатысушылар өңірдің киелі орындарын аралап, тарихи-мәдени мұралармен танысты. Олар Жошы хан мен Алаша хан кесенелеріне барып, бабалар рухына тағзым етті.

Ғалым ОСПАНОВ «Жошыхан» тарихи-мәдени кешенінің басшысы

Жалпы Жошы хан тарихи-мәдени кешеніне осы жылдар аралығында сол 2021ден бастап,2025 ке дейін 30мыңға жуық адам зиярат етті.Әлемнің түкпір-түкпірінен адамдар келіп жатыр.Енді жыл сайын туристердің саны артып келе жатыр.Жалпы Алтын орданың негізін қалаушы,қазақ хандығының түп атасы Жошыханның тарихи сананы оятуға қосатын үлесі үлкен. Сол себепті осы нәрсені тарихи жағына жаңғырту үшін елбасы тікелей тапсырма беріп,сол тарихи сананы жаңғыртып жатырмыз.

Жошы хан кесенесіне тағзым еткен соң, делегация сапарын Алаша хан кесенесінде жалғастырды. Қазақ хандығының негізін қалаған тұлғаларға құрмет көрсету – экспедицияның негізгі мақсатының бірі болды. Ал теміртаулық суретші Болат Асқаров бұл сапардан шығармашылық шабыт алғанын айтады.

Қуат АСҚАРОВ ҚР суретшілер одағының мүшесі

Бүгін біз қазақ мемлекеттілігінің негізін қалаушы, Қазақ хандығының іргетасын қалаған Жошы ханның мекенінде тұрмыз. Биыл Теміртау қаласының 80 жылдығы аталып өтілуіне байланысты, мен осыған орай көрме әзірлеп жатырмын. Бірақ ең алдымен өз жұмыстарымды Жошы ханның кесенесіне әкеліп, батасын алуды жөн көрдім. Одан кейін рухтанып, шығармашылығымды жалғастырсам деген ниетім бар. Бұл жердің маңызы өте зор, мұнда тіпті дем алу да ерекше — шабыт аласың. Міне, мен де осы шабытты сезініп, алдағы шығармашылығымды жалғастыру үшін келдім.

Төлеуғазы ДҮЙСЕНБЕКОВ«Qarmet» АҚ металлургия комбинатының ағаш ұстасы

Енді бұл экспедиция мен өте әсер алдым.Ең бірінші Қаражал кен байыту комбинантынан бастап кеше көрдік.Істеп жатқан істері ол кездегі металлургтердің.Одан кейін мына Қазақмыс корпорациясына Жезқазған қаласына келіп оны да көрдік.Онда да мыс қорыту технологиясын қалай басталады екен,қалай қорытады екен соның бәрін шығаруын көріп таныстық.Өте тамаша қарсы алды.Енді міні бүгін Жошыханның басына келіп тұрмыз.Бұнда бір тарихи үлкен бір өткен дәуір ғой.Өте тамаша біз үшін керемет әсер жақсы.

«Бірлік жолы» тарихи-танымдық сапары – бұл тек өндірістік тәжірибе алмасуға арналған жоба емес. Сапар барысында қатысушылар тарихи мұраны танып, еңбек адамын ұлықтау мен ұрпақтар сабақтастығын нығайтуға ерекше назар аударды.Теміртау мен Жезқазған арасындағы бұл рухани байланыс – болашаққа бағытталған маңызды қадам.

АЙДАНА БАЗАРБАЙҚЫЗЫ, АСХАТ ЖАҚСЫЛЫҚ

«ҰЛЫТАУ» ТЕЛЕАРНАСЫ