МЕКТЕП ЛИГАСЫНЫҢ ЖЕҢІМПАЗДАРЫ АНЫҚТАЛДЫ

Ulytautv 23-май, 10:24 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

Мектпе лигасын өткізу өңірімізде дәстүрге айналған. Бүгін жыл бойы өткен жарыстардың нәтижесі шығарылды. Қалалық білім бөлімі мен дене шынықтыру және спорт бөлімі бірлесіп қойған спорттық шараның мектеп оқушыларына берер пайдасы мол. Мектеп лигасы аясында 5-6 және 7-8 сыныптар арасындағы байқау тоғызқұмалақ, шахмат, үстел теннисі, дойбы, жеңіл атлетика, асық ату, бес асық, қысқы президенттік көпсайыс, волейбол, баскетбол түрлерінен өткен.

Берік ӘБЕН Жезқазған қаласы әкімінің орынбасары

Жалпы спорт деген- қозғалыстың ең басты факторы. Сондықтан спорттан жеңіп үйренген адам өмірде де жеңіп, үлкен белестерді бағындыратынына менің күмәнім жоқ.

Зухрап ДАУМБАЕВ Жезқазған қаласы дене шынықтыру және спорт бөлімінің басшысы

Бұл іс-шараның мақсаты өздерінің білесіздер президентіміз біздің алдымызға мақсат қойған болатын «Халықты жаппай бұқаралық спортқа тарту» деп. Міні осы іс-шара соның бірден бір дәлелі.

Сонымен бүгін жыл бойы әр –түрлі спорт түрлерінен өткен жарыстарда топ жарғандарды марапаттау рәсімі де келіп жетті. Білім бөлімінің басшысы бастап,ішкі саясат бөлімінің басшысы қоштап әр спорт түрі бойынша жеңімпаздарды марапаттады.

Айсұлтан АМАНБЕК №8 гимназия мектебінің оқушысы

Мен шашки мен шахматтан 2-орын алдым және мен марапаттады. Осындай 2-орын үшін медальдар берді. Мен осы марапаттаған адамдарға рақмет айтамын. Ең бастысы осындай адамдар көп болсын. Марапат алғандардың бүкіл қуанышына ортақпын.

2024-2025 оқу жылында мектеп лигасы аясында жалпы командалық көрсеткіштер нәтижесінде 3 орынды №1ЖББМ командасы жеңіп алып, 100мың теңгелік ақшалай сертификатпен марапатталды. 2 орын мен 200мың теңгені №7 Қ.И.Сәтбаев мектеп- лицейі жеңіп алды. 1орынды №8 гимназия мектебі алып, 300мың теңге ақшалай сертификатқа ие болды.

АЛМА СӘЛІМЖАНҚЫЗЫ, БЕКЖАН МАРАТҰЛЫ

«ҰЛЫТАУ» ТЕЛЕАРНАСЫ