ЖАЗУ ЖАДЫНЫҢ КІЛТІ

Ulytautv 23-май, 10:38 0 ЖАҢАЛЫҚТАР / ҰЛЫТАУ ОБЛЫСЫ

Конференцияны Ұлытау облыстық мәдениет, тілдерді дамыту және архив істері басқармасы ұйымдастырды. Іс-шара ҚР Тіл саясатын дамытудың 2023–2029 жылдарға арналған тұжырымдамасы аясында өткізілді. Жиынға еліміздің әр өңірінен келген тілтанушылар, тарихшылар, жоғары оқу орындарының оқытушылары мен студенттер қатысты.

Дүйсенкүл ҚОЖАХМЕТОВА оқу-әдістемелік бөлімінің меңгерушісі

Бүгінгі өткізіліп жатқан түркі мен славян халықтарының жазба мәдениеті тақырыбындағы конференциямыздың мақсаты бұл түркі мен славян халықтарының жазба мұрасын насихаттау, және олардың мәдени-тарихи және тілдік сабақтастықтарын зерттеу бойынша ғылыми нәтижелермен бөлісу болып табылады.

Баяндамашылар жазудың шығу тегі, тарихи маңызы және өркениетке әсері жайлы тың деректер ұсынды.Жазба ескерткіштер дәуірлер бойынша сараланып, түркі мен славян халықтарының ортақ мәдени байланыстары ғылыми тұрғыда талданды.

Зада ДҮКЕНБАЕВА тарих ғылымдарының докторы, тарих және қоғамдық ғылымдар академиясының академигі

Бұл конференция өте өзекті. Жазба тарихы бұл әрбір адамзат баласының даму процесіндегі басты орын алатын мәселе. Яғни мен ойлаймын,бүгінгі бұл келелі мәселелердің алға шығуы біздің болашағымыз үшін, ертеңгі жастарымыз үшін,бүгінгі біздің елдігіміздің мынау өркениет дамуында,яғни өркениетіне қадам басуында,яғни ұлы дала елі деп бүгінгі күні айтылып жатқан осы ұлы дала елінде өркендеп жатқан ұлттар мен ұлыстардың өкілдерімен бірлесе отыра өзіміздің тілдік мәдениетімізді жетілдіретіндігімізді айта кеткім келеді.

Конференция соңында маңызды қарар қабылданды.Бірқатар қатысушылар алғыс хатпен марапатталды.Ұлытауда өткен бұл ғылыми басқосу-тарих пен мәдениетті насихаттаудың жарқын үлгісі.

АЙДАНА БАЗАРБАЙҚЫЗЫ, БЕКЖАН МАРАТҰЛЫ

«ҰЛЫТАУ» ТЕЛЕАРНАСЫ