СЫБАЙЛАС ЖЕМҚОРЛЫҚҚА ҚАРСЫ ЖҮРГІЗІЛГЕН ҚАДАМДАР

Ulytautv 01-апр, 12:37 0 ЖАҢАЛЫҚТАР

Алдымен ҚР сыбайлас жемқорлыққа қарсы іс-қимыл агенттігінің Ұлытау облысы бойынша департаменті басшысының бірінші орынбасары Жаслан Хамитовтың «Заң және тәртіп» қағидаты аясында сыбайлас жемқорлыққа қарсы мәдениетті қалыптастыруға бағытталған жұмыстар туралы баяндамасы тыңдалды. Онда сыбайлас жемқорлық қаупі жоғары салаларды анықтау, талдау және бақылау мәселесіне ерекше көңіл бөлінген. Атап өту керек, аталған салалар өңірдің сыбайлас жемқорлық тәуекелдері картасына енгізілген.

Жаслан ХАМИТОВ ҚР сыбайлас жемқорлыққа қарсы іс-қимыл агенттігінің Ұлытау облысы бойынша департаменті басшысының бірінші орынбасары

Кеңес мүшелері экология, онкологиялық аурулардың алдын алу, жол инфрақұрылымын күтіп ұстау, заманауи жол техникасын енгізу және аумақтарды абаттандыру мәселелерін талқылады. Барлық көтерілген мәселелер бойынша нақты ұсыныстар да айтылды.

Аяна МУКЕЕВА Ұлытау облыстық қоғамдық кеңес мүшесі

Соңғы екі жылда Ұлытау облысының Сыбайлас жемқорлыққа қарсы іс-қимыл агенттігі жақсы нәтижелер көрсетіп келеді, және бүгін біз соның куәсі болдық. Алға қойылған жоспарлар да болашағынан үміт күттіреді. Қазіргі уақытта мемлекет бюджетіне қомақты қаражаттың қайтарылуына мүмкіндік берген ауқымды жұмыстар жүргізілуде. Жиын барысында біз көптеген маңызды мәселелерді көтердік.

Статистикалық мәліметтерге сүйенсек, өңірде сыбайлас жемқорлыққа қарсы күрес жүйелі түрде жүзеге асырылып, оң нәтижесін беруде. ҚР сыбайлас жемқорлыққа қарсы іс-қимыл агенттігінің Ұлытау облысы бойынша департаменті бірінші жартыжылдықтың қорытындысы бойынша тиісті есептерді ұсынады және көтерілген мәселелер жіті бақылауда болады.

ГҮЛІМ МАРАТҚЫЗЫ,ДУМАН ОРАЗОВ

«ҰЛЫТАУ» ТЕЛЕАРНАСЫ