АРДАГЕРЛЕР САЙЫСЫ

Ulytautv 26-май, 16:58 0 ЖАҢАЛЫҚТАР / ҰЛЫТАУ ОБЛЫСЫ

Аталмыш жарысқа Астана, Сатбаев және Жезқазған қаласының ардагер спортшылары қатысты. Мұндағы мақсат- еңбектің маңыздылығын арттырып, кәсіби шеберлікті дәріптеу, еңбек адамдарының мәртебесін көтеру.

Досет Уатаев Ұлытау облыстық дене шынықтыру және спортты дамыту орталығының басшысы

Бұл мачтық кездесуді ұйымдастыруға Ұлытау спорт басқармасы, Ұлытау облысының жоғары шеберлік спорт мектебі және облыстық спорт дамыту орталығы ұйымдастырып жатыр. Алдағы уақытта осындай еңбек ардагерлеріне байланысты іс-шаралар өтеді.

Сондай-ақ, жергілікті билік өкілдері де арнайы шақыртылып, қатысушыларға сәттілік тіледі. Өңірімізге арнайы келген Астана қаласы «Ардагер» спорт клубының президенті, ҚР Қарулы күштер жоғары қолбасшылығының өкілі Абай Тасболатов пен ҚР волейбол ардагерлері Федерациясының Президенті, ҚР еңбек сіңірген спорт қайраткері Әсет Әділхан құттықтау сөз сөйлеп ардагерлерге алғыс хат табыс етті.

Абай Тасболатов Астана қаласындағы «Ардагер» спорт клубының президенті

Біз енді өзіміз бұрыннан бері жас кезімізден волейбол да ойнадық, теннис та ойнадық, футбол да ойнадық бәрі болды ғой. Ал енді соның өзінде қазіргі уақытта әлі күнге дейін тастамағанымыз сол ең басты мәселе жастарға үлгі көрсету. Соған байланысты Тәуелсіздігіміздің тұғыры биік болып, мәртебесі асқақтай беріп, осындай елімізде спортшылар көп болсын деп айтамыз. Бізге қарап жастар да үлгі алып спортқа жақын болсын деп айтамыз.

Әсет Әділхан ҚР еңбек сіңірген спорт қайраткері

Қазір осы жастарға салауатты өмір сүруді насихаттау арқасында осы жаңа құрылған Ұлытау облысына келіп, өзіміздің ойынымызды көрсетейік, жастармен кезігейік, бірге болып әрқашанда салауаты өмірді насихаттай беру керек деген оймен осында келіп бүгін жарыс өткізіп жатырмыз. Мен өзімнің атымнан осы жердің азаматтарына, осы жердің халқына, осы жердің жастарына, үлкендеріне әрқашанда спортпен айналысып, дене шынықтыруын ұлғайтып, салауатты өмір сүруге шақырамын.

Сайыс қорытындысы бойынша жеңімпаздар мен жүлдегерлер кубоктармен, медальдармен марапатталды.Айта кетейік, 3 күнге арналған тур әрі қарай Жошы хан тарихи-мәдени кешені, Алашахан кесенесі, Хан ордасы, Алтыншоқы тау массиві, Бұланты шайқасы болған тарихи жер, Жезді тау-кен және балқыту ісі тарихи мұражайына және Қарсақбай кентіндегі Қаныш Сатпаев мұражай-үйінде жалғасын таппақ.

АЛМА СӘЛІМЖАНҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ