ҚАРЖЫЛЫҚ ҚАУІПСІЗДІК БОЙЫНША QUIZ

Ulytautv 30-май, 14:43 0 ЖАҢАЛЫҚТАР / ҰЛЫТАУ ОБЛЫСЫ

Ойын «Заң және тәртіп» жобасы аясында ұйымдастырылды. Жеке қаржы мен капиталды қорғау саласындағы «үздік білгір» атағына таласқан 40-тан астам қатысушы 8 командаға бөлініп бақ сынасты. Куиздің мақсаты- жастардың қаржылық сауаттылығын арттыру. Ұйымдастырушылар мұндай шаралардың алдағы уақытта да тұрақты түрде өткізіліп тұратынын мәлімдеді.

Ақансері Сүлейменов, медиа орталықтың басшысы

Мұндай іс-шаралар бізде, Жезқазған университетінде куиз ретінде маусым-маусым болып ойнатылады. Бүгінгі күн бұл маусымның жабылуы және финалы деген мақсатта Жезқазған колледж студенттерін де шақырдық. Бұл куиз 2025 жылдан бастап қолға алынған дүние. Бұл екінші маусым. Негізі өзіміздің жоспарымыз бойынша әр 3 ай сайын бір маусымның қорытындысын шығарып отыру.

Интеллектуалдық куиз сұрақтары жеке қаржы, инвестиция және сақтандыру негіздерінен бастап, қаржылық тәуекелдер мен банктік қызметтерге дейінгі түрлі маңызды тақырыптарды қамтыды. Барлық командалар жоғары дайындық деңгейін, стратегиялық ойлау қабілетін және тиімді командалық жұмысты көрсете білді.

Ақжол ЖАНТІЛЕУОВ қатысушы

Бізде студенттердің арасында осы интеллектуальный ойынға байланысты қойылатын сұрақтар, логикалық сұрақтар, тарихи деректер, өзіміздің универден шыққан тұлғалардың өмірбаяндары сондай кез-келген жанрда қойылады. Бізге бұның қызықтылығы өзіміздің ми қозғау. Өзіміздің білетін, білмейтін нәрселерімізді түйеміз. Білетіндерімізді айтамыз деген сияқты.

Шара соңында жеңімпаздарды марапаттау рәсімі өтті. Зияткерлік ойында үздік нәтижеге қол жеткізген қатысушылар дипломдармен және естелік сыйлықтармен марапатталды.

АЛМА СӘЛІМЖАНҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ