«ТАЗА ҚАЗАҚСТАН» АКЦИЯСЫ

Ulytautv 05-июн, 16:57 0 ЖАҢАЛЫҚТАР / ҰЛЫТАУ ОБЛЫСЫ

Кеңгір су қоймасы жағалауында жүргізілген тазалық шараларының экологиялық мәдениетті қалыптастырудағы маңызы зор. «Аманат» партиясының облыстық филиалы бастамасымен ұйымдастырылған кезекті таза бейсенбілікке «Жасыл ел»еңбек жасақтары мен Жезқазған индустриялдық-гуманитарлық колледж студенттері де қатысты.

Бекзат ҚҰЛАНБАЕВА «AMANAT» партиясы Ұлытау облыстық филиалының саяси бөлімінің меңгерушісі

Пляждың енді жағдайы әрине өте қиын деп айтуға болады. Біз жинақтап жатырмыз, әлі де жинаймыз. Бірақ та жинаған сайын әр тұрғын өз тарапынан тазалықты сақтаса мұндай жағдай болмас деп ойлар едім. «Таза Қазақстан-таза қалаға» шығуға біз дайынбы. Бірақ әр тұрғын осыжұмысты өз бойынан тапса деп ұсыныс білдіреміз.

Кеңгір жағасын қалыпқа келтіруге 50-ге жуық адам қатысты. Акция барысында демалыс аймағындағы пластик және шыны құтылар жиналып, аумақты ретке келтірді.

Саид НЫШАНХАН Жезқазған индустриалдық-гуманитарлық колледжінің 2-курс студенті

Бұл жақта адамдар жиі жиналатын болғандықтан, көп демалатын болғандықтан бұл жер апта сайынғы акцияға мұқтаж. Адамдар өздерінің арттарынан жинамайды. Өздерінің арттарынан жинастырып жүрсе, қазіргі мынадай хәлге түспейтін еді.

Айта кетейік, атқарылған жұмыс су ресурстарының экожүйелерін қалпына келтіруге және су обьектілерінің тұрмыстық,өндірістік қалдықтармен ластануын алдын алуға бағытталды.

АЛМА СӘЛІМЖАНҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ