«ЗАҢ ЖӘНЕ ТӘРТІП»: ҚОҒАМДЫҚ ҚАУІПСІЗДІК - БАСТЫ НАЗАРДА » Ұлытау облыстық телерадиокомпаниясы

«ЗАҢ ЖӘНЕ ТӘРТІП»: ҚОҒАМДЫҚ ҚАУІПСІЗДІК - БАСТЫ НАЗАРДА

Ulytautv 05-июн, 17:05 0 ЖАҢАЛЫҚТАР / ҰЛЫТАУ ОБЛЫСЫ

Кеңес жұмысына облыс әкімі,мәслихат пен сот төрағалары,құқық қорғау органдары,үкіметтік емес ұйымдар мен бизнес өкілдері,сондай-ақ студенттер қатысты.Облыс әкімі Дастан Рыспеков қоғамда заң мен тәртіп идеологиясын орнықтырудың маңыздылығына тоқталды.

Дастан РЫСПЕКОВ Ұлытау облысының әкімі

Қоғамдағы заң мен тәртіп әлеуметтік тұрақтылықты қамтамасыз ететін негізгі қағидалар.Заң мен тәртіптің дұрыс үйлесімі қоғамның дамуына,адамдардың қауіпсіздігі мен бостандығына негіз болады.Сонымен қатар қоғамдық тәртіпті сақтау тек құқық қорғау органдарының ғана міндеті емес.Әрбір азамат,әрбір кәсіпкер өзі жауапкершілікпен қарау керек.Заңды құрметтеу,басқалардың құқықтарын бұзбау өз әрекеттері үшін жауапкершілік алу бұл тәртіптің негізі.Салмағы жоғары және маңыздылығы терең үйлестіру кеңесінің жұмысына сәттілік тілеймін.

2024–2025 жылдары өңірде құқықтық мәдениетті арттыру, тұрмыстық зорлық-зомбылықтың алдын алу, цифрлық сервистерді жетілдіру бағытында бірқатар нақты жобалар жүзеге асқан.Өңір басшылығы бұл жұмыстың тиімділігін арттыру үшін құқық қорғау органдарымен тығыз байланыс орнатқан.

Қуандық РАХМЕТОВ Ұлытау облысы прокурорының бірінші орынбасары

Прокуратура органдары 2024–2025 жылдары 25 үйлестіру кеңесін, ведомствоаралық жиналыстар мен брифингтер өткізіп, мемлекеттік органдармен өзара іс-қимылды күшейтіп, халықпен тікелей байланысты орнатты.Ақпараттық жұмыс шеңберінде «Заң және тәртіп» бойынша 247 материал әзірленді. Бұл тұрғындарға проблемаларды ғана емес, олардың шешу жолдарын да түсіндіруге бағытталды.

Құқықтық ағартушылық бағытындағы жобалар қатарында мектептерде арнайы тренингтер мен дәрістер, халыққа арналған «Ашық есік» күндері ұйымдастырылды. Облыстағы құқық қорғау органдары тұрғындармен кері байланысты күшейтіп, цифрлық сервистер арқылы ашықтықты қамтамасыз етіп отыр.Мәселен, 2024 жылы прокуратураның бастамасымен отбасылық-тұрмыстық қатынастар саласындағы 150-ден астам профилактикалық іс-шара өткен. Бұл жұмыстардың нәтижесінде зорлық-зомбылық фактілерінің саны едәуір азайған.

Данияр БАШАНОВ Ұлытау облысы прокуратурасының қоғамдық мүдделерді қорғау басқармасының бастығы

Прокуратура органдарының күш-жігері заңдылық пен құқық тәртібін қамтамасыз етуге,азаматтардың құқықтарын қорғауға бағытталғаны атапөтілді. Кеңес қорытындысы бойынша құқық бұзушылықтың алдын алу, қоғамдық қауіпсіздікті арттыру, құқық қорғау және жергілікті органдардың өзара іс-қимылын жетілдіру жөніндегі нақты тапсырмалар берілді. Үйлестіру кеңесінің жұмысы өңірдегі тұрақтылық пен құқықтық тәртіпті нығайтуға оң серпін беретініне сенімдіміз.

Құқық қорғау органдарының цифрлық жобалары да оң нәтиже беруде. Қазір тұрғындар өтініштерін онлайн түрде жолдап, тез әрі тиімді жауап алуға мүмкіндік алды. Сонымен қатар, құқықтық статистика жүйесі арқылы өңірдегі ахуал үнемі бақылауда. Жиында, сондай-ақ облыстағы құзырлы органдардың атқарған жұмыстары мен жастар өкілінің баяндамасы тыңдалды.

АЙДАНА БАЗАРБАЙҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ