«ҰЛТТЫҚ СПОРТ-ҰЛТ РУХЫ» СПАРТАКИАДАСЫ

Ulytautv 03-июн, 16:36 0 ЖАҢАЛЫҚТАР / ҰЛЫТАУ ОБЛЫСЫ

Спартакиаданың басты мақсаты-еңбек адамдарының бірлігін нығайту,ұлттық спортты дәріптеу.«Қазақмыс» корпорациясы» ЖШС-нің өндіріс ошақтарынан келген 400-ге жуық қызметкер қатысқан ауқымды шараның ашылу салтанатында арнайы шақырылған қонақтар жылы лебіздерін білдіріп, қатысушыларға сәттілік тіледі.

Төлеген БҮКІРОВ «Қазақмыс корпорациясы» ЖШС жанындағы «Ардагерлер кеңесі» ҚБ төрағасы

Бүгінгі Қазақмыс корпорациясының Жастар болашақ ұйымының басқаруымен,солардың ұйымдасыруымен өтейін деп отырған Ұлы дала ойындары спорт түрлерімен жарыс басталуымен құттықтаймын. Бәрімізде сол ұрпағымыздың болашағы үшін еңбек жасап,солардың жақсы азамат болып,егеменді қазақ елінің туын әрқашанда төмендетпей жоғары ұстауымызға үлесімізді қосып,балаларды қорғау күні да құтты болсын!

Берік ӘБЕН Жезқазған қаласы әкімінің орынбасары

Сіздерді бүгінгі жұмысшы жылы аясында өтіп отырған осынау маңызды шарада көргенімізге қуаныштымыз.Сіздердің Қазақмыс корпорациясында осы ел игілігі үшін жасап жатқан еңбектеріңіз жалпы осы өңірдің экономикасының тірегі. Күн сайынғы қажырлы жұмыстарыңыздың арқасында еліміздің дамуына үлес қосып келесіздер. Баршаңызға бүгінгі жарыста сәттілік тілейм, мықты өндірістік топ жеңіске жетсін.

Луиза МИНБАЕВА «Jastar Bolashaq» жастар қоғамдық бірлестігінің төрағасы

Ең басты мақсатымыз ата-бабаларымыздан келе жатқан асыл мұрамыз ұлттық спорт түрлерін насихаттау.Біз ойлаймыз әрбір қатысушы бүгін бір ата-бабаларымыздан келе жатқан бір ұлттық спорттан бір ерекше күш-қуатын ала кетеді және де бір рух пайда болады деп. Ең басты мақсатымыз әрине Қазақмыс еңбеккерлерін біріктіру.

Спартакиадаға «Қазақмыс корпорациясы ЖШС-нің 20-дан аса өндірістік құрылымдарынан құралған командалар қатысты.Жарыс бағдарламасына қазақ күресі,садақ ату,асық ату,арқан тарту,масрестлинг,қымыз ішу және ет жеу сынды ұлттық спорт түрлері енді. Өндіріс ошақтарындағы еселі еңбек пен спортты қатар алып жүрген жандар жүлделі орыннан көріну үшін барын салып,жарыс тартысты өтті.

Турнир қортындысы бойынша жеңімпаздар мен жүлдегерлерге дипломдар мен медальдар және ақшалай сыйақылар табыс етілді. Ұйымдастырушылар мұндай спорттық сайыстарды өткізуді әрі қарай да жалғастыра бермек ниетте...

АЙДАНА БАЗАРБАЙҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ