Пәтер кілті табысталды

Ulytautv 09-июн, 14:24 0 ЖАҢАЛЫҚТАР / ҰЛЫТАУ ОБЛЫСЫ

Құрбан айт-жақсылық пен жанашырлықтың,мейірім мен мұқтажға көмек берудің мерекесі. Осыған орай «Ұлытау» қайырымдылық қорының бастамасымен ұйымдастырылған шара аясында 3000-нан астам балмұздақ бүлдіршіндерге тегін таратылды.Тұрғындар арасында ұтыс ойындары өткізіліп,жиналған жұртшылық түрлі сыйлықтарға ие болды.

Ерлан ЕРИШЕВ «Ұлытау» қайырымдылық қорының төрағасы

Жалпы Ұлытау қорының мақсаты-жалғызбасты көпбалалы аналар басапанасыз жүрген сол кісілерге баспанамен көмек беру,демеу жасау,өзіміздің тесігімізді өзіміз жамайық деген қордың мақсаты сондай.Жалпы Қазақмыс корпорациясы еңбек ететін еңбеккерлердің арқасында ашылған қорғой.Құдай қаласа осындай іс-шараны жылда ұйымдастыруға ниетіміз бар.

Іс-шара барысында қор пәтердің он бірінші кілтін тапсырды. Жаңа баспана иесі- Сәтбаев қаласының тұрғыны,төрт бала тәрбилеп отырған ана Сандуғаш Нұржанова.

Сандуғаш НҰРЖАНОВА Сәтбаев қаласының тұрғыны

Есімім Сандуғаш. 4 баланың анасымын.Күтпеген жерден ұттым. Қуаныштымын өте. Айтып жеткізе алмайм. Қуаныштан ғой. Рахмет. Көп көп рахмет айтам Ұлытау қорына,халыққа рахметімді айтам.

Мерекелік жиын барысында кәсіпкерлердің қолдауымен түрлі тұрмыстық техника, тіпті Умра қажылығына жолдама сынды бағалы сыйлықтар ұтысқа қойылды.Әрбір жүлде-қатысушыларға қуаныш сыйлап,мерекенің мәнін арттыра түсті.

Нұрғали АЯПБЕРГЕНОВ қала тұрғыны

Жалпы енді бүгінгі іс-шарадан ұтамыз деп енді сондай сеніммен келгенбіз. Алла сенімімізді берді. Әрдайым сенімді болыңыздар. Қатты толқып тұрм шыны керек. Жалпы бәрі жақсы өтті. Алла разы болсын, Құрбан айт құтты болсын!

Игі шараны ұйымдастыруға Жезқазған қаласы мен Ұлытау облысы әкімдіктері де қолдау көрсетті.Қор өкілдері мұндай қайырымдылық шараларды алдағы уақытта да тұрақты түрде өткізуді жоспарлап отыр.

АЙДАНА БАЗАРБАЙҚЫЗЫ, БЕКЖАН МАРАТҰЛЫ

«ҰЛЫТАУ» ТЕЛЕАРНАСЫ