«ПАРКТЕР ШЕРУІ» АКЦИЯСЫ ҚОРЫТЫНДЫЛАНДЫ

Ulytautv 10-июн, 10:46 0 ЖАҢАЛЫҚТАР / ҰЛЫТАУ ОБЛЫСЫ / ҰЛЫТАУ АУДАНЫ

Науқан – қоршаған ортаның тазалығына бірауыздан атсалысуға бағытталған. Өсіп келе жатқан жас жеткіншектерге сол арқылы үлгі көрсетіп, табиғатты аялау жұмыстарын жандандыру басты міндет!Жалпы, «парктер шеруі» акциясы жылдың басында басталған. Бүгін соның қорытындысы шығарылды.

Ғалым ҚОЙШЫБАЕВ Ұлытау мемлекеттік ұлттық табиғи паркінің директоры

Биыл біз мектеп оқушыларымен Парктер шеруі акциясын жылдың басынан бастап мектеп оқушыларына табиғатты қорғау және оны құрметтеп сүю жолдарын түсіндіріу жұмыстарын өткіздік. Мектеп оқушылары эсселер жазып, шығармалар жазып, Таза Қазақстан акциясына қатысып, ағаштар ектік.

Акция ерекше форматта өрбіді. Балалар табиғатты тазалап қана қоймады, сурет салды, түрлі ойындарға қатысты. Олар ойнай жүріп, қоршаған ортаны тазалауға өз үлестерін қосты. Мысалы, Нұржалғас осы күні өз қолымен жасаған құс ұясын әкеліп, паркке орнатты.

Нұржалғас БАЙҒАБЫЛ акцияға қатысушы

Мен құстарға арнайы ұя жасадым. Мына жерде құстарға арналған су ішетіні бар. Тұқымын салуға болады. Өзімнің атымды ды жазып қойдым. Құстарға арнайы жем шашып кетемін. Анда-санда су келіп құйып тұрамын.

Құралай СОВЕТ акцияға қатысушы

Мен осы жас орманшыға қатысқаннан бастап ағаш еккенбіз мектепте және біз көптеген осындай іс-шараларға қатысамыз. Өте күшті сыйлықтар беріп жатыр. Балалар сурет салып жатыр. Табиғат аясында өте керемет көрініс. Достар табиғатты таза ұстайық. Осындай акцияларға қатысып өте белсенді болыңыздар.

Табиғатты қорғауға үлес қосқан оқушыларға алғыс хаттар мен сыйлықтар берілді. Табиғатқа деген сүйіспеншілікті арттырып, қоршаған ортаға жауапкершілікпен қарауға үндейтін мұндай бастамалар алдағы уақытта да жалғасын табады.

ГҮЛІМ МАРАТҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ