Қалалық инфекциялық орталықтың қабылдау бөлімшесі тәулік бойы жұмыс істейді. Дәрігерлер күн сайын 30-дан астам науқасты қабылдайды. Олардың 90 пайызы — балалар. Дене қызуының көтерілуі, ішек инфекциясы мен жіті респираторлық-вирустық инфекциымен шағымданушылар көп. Алдымен медициналық тексеру жүргізіліп, алғашқы көмек көрсетіледі. Қажет болған жағдайда науқастар ауруханаға жатқызылады.

Әнуар АБУОВ жұқпалы аурулар дәрігері

Иә, олар күні-түні қара демей, хан демей, 24 сағат бойы ұйықтамай халық үшін қызмет етеді. Жұмыс арасында тіпті мызғып алатын да уақыттары жоқ. Дәрігердің әрқайсына алғыс айтуымыз керек-ақ. Өйткені олар – бейбіт күннің батырлары.

Инфекциялық орталықтың қабылдау бөліміндегі бір күн — бұл үздіксіз қозғалыс, жылдам шешімдер мен үлкен жауапкершілік. Әр науқастың артында – өмір мен үміт тұр. Әрбір қызметкер – өз ісіне жан-тәнімен берілген кәсіби маман. Ал ең қиын сәттерде де дәл осы мамандардың арқасында балалар мен ересектер сауығып, қалыпты өмірге қайта оралу мүмкіндігіне ие болады.

АЙДАНА БАЗАРБАЙҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ