ӨҢІРДЕ ДЕНСАУЛЫҚ САҚТАУ САПАСЫ АРТЫП КЕЛЕДІ

Ulytautv 13-июн, 12:57 0 ЖАҢАЛЫҚТАР / ҰЛЫТАУ ОБЛЫСЫ

Жиынға өңірге жаңадан келген білікті жас мамандар мен көп жылдық тәжірибесі бар жергілікті дәрігерлер қатысты. Олар денсаулық сақтау саласындағы жаңалықтар мен қолдау шаралары, алдағы жоспарлар туралы ой бөлісті. Ұлытау облысы құрылған сәттен бастап, медицинаға ерекше басымдық беріліп келеді. Облыс әкімдігі мен мәслихатының қолдауымен іске қосылған арнайы бағдарлама аясында 2023 жылдан бері 55 білікті дәрігер тартылып, қоныс аударған 50 дәрігерге арнайы көтерме қаржылай қолдау көрсетілді.Сонымен қатар, резидентурада білім алып жатқан болашақ мамандардың шығындары өтеу арқылы да кадр мәселесі шешілуде. 2025 жылға осы мақсатқа 170 миллион теңге қарастырылған.

Рүстем НЫСАНБАЕВ Сәтбаев қаласы ауруханасының директоры

Жуырда жаңа травматологиялық пункт аштық, алдағы уақытта жеке ғимарат салу жоспарымызда. Облыс әкімдігінің әлеуметтік қолдау бағдарламасы аясында соңғы айларда ауруханаға әртүрлі мамандықтар бойынша 5-тен астам білікті дәрігер келді. Қазіргі басты мақсатым – жаңа технологияларды енгізу арқылы аурухана жұмысын жаңа деңгейге көтеру.

Өңірдегі медицина мекемелері заманауи құрылғылармен жабдықталуда. Жезқазған қаласындағы облыстық көпбейінді аурухана базасында күрделі оталар жасалып, бұрын тек республикалық деңгейде көрсетілетін қызметтер енді жергілікті жерде де қолжетімді бола бастады.

Бауыржан ЕШЖАНОВ хирург

Қазіргі кезде 2023 жылдан бастап қосымша ангиохирургия мамандығы бойынша оқып,ангиохирургия мамандығымен қосымша жұмыс істеп жатырмын.Облысымыз Ұлытау облысы болып бөлек болғаннан кейін медицина саласына көп көңіл бөлініп жатыр.Және де айта кететінім клиникамызға алынған ангиограф апараты.Бұл апараттың көмегімен қазіргі кезде үлкен көп операциялар жасауға болады. Оның ішінде нейроинтервенция немесе бас ми тамырларының операциясы.Бұған дейін біздің өңірде ондай операциялар болмаған.

Құралай ШОРТАНБАЕВА акушер-гинеколог

Ұлытау облысы әкімдігінің әлеуметтік қолдау бағдарламасы аясында келісімшартпен 2024 жылы Жезқазған қаласына келдім.Бүгінгі таңда көпбейінді аурухананың перенатальды орталығында жұмыс істеп жатырмын.Бұл перенатальды орталық жүкті әйелдерге,босанатын әйелдерге,жаңа туған сәбилерге жоғарғы мамандандырылған көмек көрсетеді. Перенатальды орталықта көптеген экстрагенетальды потологиясы бар жүкті әйелдерге босану ісі және меңгерушімен бірге консилиум да жасалынады.Бұл болашақта менің күтетінім ана мен бала қауіпсіздігі үшін жоғарғы медициналық көмек көрсету,перенатальды центр тәулік бойынша медициналық қызмет көрсетеді.

Жаңа құрал-жабдықтар, білікті кадрлар, әлеуметтік қолдау – мұның бәрі өңір тұрғындарының денсаулығы үшін жасалып жатқан қадамдар. Қазіргі таңда басты мақсат –медицина қызметінің сапасын жаңа деңгейге көтеру.

АЙДАНА БАЗАРБАЙҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ