АҚ ХАЛАТТЫ АБЗАЛ ЖАНДАР МАРАПАТТАЛДЫ

Ulytautv 13-июн, 13:01 0 ЖАҢАЛЫҚТАР / ҰЛЫТАУ ОБЛЫСЫ

Бұл күн – дәрігерлер, медбикелер, санитарлар жалпы денсаулық сақтау саласының барлық қызметкерлері үшін ерекше мәнге ие. «Жезқазған» медициналық орталығының директоры Дәурен Аманқұлов денсаулық сақтау саласы қызметкерлерін кәсіби мерекелерімен арнайы құттықтады.

Дәурен АМАНҚҰЛОВ «Жезқазған» медициналық орталығының директоры

Құрметті әріптестер! Сіздерді бүгінгі кәсіби мерекелеріңізбен шын жүректен құттықтаймын! Сіздерге тек жақсылық, мейірім мен шуақты күндер тілеймін. Өмір жолдарыңыз әрдайым ашық болып, қуанышты сәттер көп болсын. Әрине, қиындықтар да кездесуі мүмкін, алайда біз оларды бірлігіміздің, төзімділігіміздің арқасында жеңе аламыз. Мерекелеріңіз құтты болсын, қадірлі әріптестер!

Мерекелік шараның ең ерекше сәті – ақ халатты абзал жандарға лайықты марапаттарын табыстау болды. Адал еңбегі мен кәсіби біліктілігі және халыққа көрсеткен сапалы медициналық көмегі үшін бірқатар мамандарға “Жезқазған” медициналық орталығы, «Кәсіп Қорған» салалық кәсіподағы, “Жастар болашағы” қоғамдық бірлестігі мен “AMANAT” партиясының облыстық филиалының атынан Құрмет грамоталары мен Алғыс хаттар табыс етілді.

Мереке ТҰРМАНОВА Жезқазған медициналық орталығының аға мейірбикесі

Осы жерге тұрғаным 2002 жылдан бастап істеп жатырмын.23 жыл болды істегеніме. Бәріне жақсылық ғана тілеймін.Бақытты болсын,отбасына аманшылық.Қуаныштар көп болсын.Жылдан жылға осылай кездесе берейік.Тек қана денсаулық тілеймін.

Құлжаған НИЯЗАЛИНА «Жезқазған» медициналық орталығының мейірбикесі

Осы медициналық орталықта 18 жыл жұмыс істеймін.Отоларингология кабинетінде медсестрамын.Осы ұзақ жылғы еңбегімнің жемісі деп ойлаймын бүгінгі марапатымды.Өте ризамын осындай медициналық центрде жұмыс істеп жүргенімне.Біздің медициналық центріміз осылай дами берсін,алға көріне берсін жұмыстары.Ең үздік медициналық центр болсын.

Салтанатты іс-шара концерттік бағдарламамен жалғасты. Кеш қонақтарына жергілікті өнер ұжымдары мен Тайжан Қалмағамбетов атындағы облыстық филармония әртістері өнер көрсетті.

АЛМА СӘЛІМЖАНҚЫЗЫ, АЙДОС ӨМІРБЕКҰЛЫ

«ҰЛЫТАУ» ТЕЛЕАРНАСЫ