Ұлттық құрылтай – ашық диалог алаңы » Ұлытау облыстық телерадиокомпаниясы

Ұлттық құрылтай – ашық диалог алаңы

Ulytautv 04-апр, 13:14 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

Бурабайда өткен бұл жолғы Құрылтайда елімізде кейінгі үш жолда жүзеге асырылған саяси реформалар кеңінен талқыланды. «Үш жылдың ішінде Қазақстан жаңа тұрпатты ел болды!», - деген Президент жемісті реформалар әрі қарай да жалғасатындығын айтты. Солардың бірі: ауыл әкімдерін тікелей халықтың сайлауы. Нәтижесінде ауыл әкімдері 72 пайызы жаңарған. Оның үштен бірі – бұрын мемлекеттік қызметте болмаған азаматтар.

Тұрсынай Ибадатова, Жезқазған қалалық мәслихатының депутаты

Құрылтай – ұтымды ұсыныстар алаңына айналды. Мәселен, ауыл әкімдерін сайлау пилоттық жобасы – аудандық деңгейдегі әкімдер сайлауына жалғаспақ. Бұл халықтың билікке деген сенімін ұлғайтады, демократиялық қоғамға бастайтын негізгі қадамдар да осыдан басталмақ!

Сонымен қатар құрылтайда биылғы Жұмысшы мамандықтар жылы да тілге тиек етілді. Бұл – кәсіптік және техникалық білім беру саласын жаңғыртуға және еңбек адамдарының қоғамдағы беделін арттыруға арналған айтулы жыл болмақ...

Тұрсынай Ибадатова, Жезқазған қалалық мәслихатының депутаты

Бұл жылдың біздің аймақ үшін маңыздылығы орасан! Себебі, өндірісті өлкеде – жұмысшы мамандарға деген сұраныс қашан да жоғары. Аталған ретте өңірдегі кәсіптік колледждер мен кәсіпорындар арасында дуалды оқыту бағдарламасы қолға алынған. Біз жұмысшы мамандарға деген қолдауды биыл ғана емес, үнемі назарда ұстауымыз керек!

Жалпы ІV ші отырыста – құрылтайдың 100 ден астам мүшесі 120 ға жуық бастама көтерген. Құрылтайдың келесі отырысы – келер жылы Қызылорда облысында өтеді.

Мұқағали Сейтқазы, Айдос Өмірбекұлы

«ҰЛЫТАУ» телеарнасы