ӘКЕНІҢ ОТБАСЫ МЕН ҚОҒАМДАҒЫ РӨЛІ

Ulytautv 17-июн, 13:22 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

Шараға ұстаздар қауымы,ардагерлер мен аналар кеңесінің мүшелері,сондай-ақ белсенді әкелер шақырылды. Олар отбасындағы әкенің рөлі,ұрпақ тәрбиесіндегі орны,ұлттық құндылықтарды ұрпақ санасына сіңіру жолдары жөнінде пікір алмасып,өз тәжірибелерімен бөлісті.

Серік АСҚАРБЕКОВ Жезқазған қаласы ТЖБ ардагерлер кеңесінің төрағасы

3 балам бар. 3 баламыздың алды 45 ке келді. Менің енді сіздерге айтайын дегенім әке болғаннан кейін ең бірінші менің өсиетім балаңызға айтатын бірінші өсиетім,балам үйде сен менікісің,сыртта халықтыкісің деген қағидалы сөзбен тәрбилеп келе жатырмын. Сондықтан өзім балаларымның көбі отан қорғау жұмысында келе жатыр.

Жиын барысында жалпы отбасылық құндылықтар жайы да айтылды. Қатысушылар үлкенге құрмет,кішіге қамқорлық,ата-ана мен бала арасындағы қарым-қатынас сынды маңызды мәселелерге тоқталды.Аналар кеңесінің мүшелері мұндай шараларды өңірдің барлық аудан,ауылдарында өткізу қажет екенін атап өтті.

Қаниса ТЕЛҒОЗИНА аналар кеңесінің төрағасы

Еліміздің тарихына өшпес із қалдырған,ерлік пен бірлікке жол сілтеген ата-бабаларымыздың ел тізгінін ұстаған азаматтарымыздың көшбасшысы ақсақалдарымыз қоғам өміріне белсене араласып жүрген аяулы әкелеріміздің құрметіне арнап отырмыз. Әкелер күні құтты болсын. Бұлмен тоқтап қалмайды,әлде де өте мауқымды іс-шараларымызға ат салысып, ұйымдастырып жатырмыз.

Кездесу соңында қатысушылар өз ұсыныстарын айтып, отбасындағы әке беделін арттыру бағытында жүйелі жұмыстар жүргізу керектігін алға тартты. Олардың айтуынша, әке – тек отбасының асыраушысы ғана емес, ұрпаққа рухани бағдар беретін ұстаз, үлгі-өнеге иесі. Ал осындай үлгілі әкелердің көп болуы – қоғамның тұрақтылығы мен мемлекет болашағының кепілі.

АЙДАНА БАЗАРБАЙҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ