АШЫҚ ЕСІК КҮНІ

Ulytautv 24-июн, 10:28 0 ЖАҢАЛЫҚТАР / ҰЛЫТАУ ОБЛЫСЫ

Мамандар азаматтарға құқықтарын қорғау, заңнаманың сақталуы, құқық қорғау органдарына жүгіну тәртібі бойынша кеңес берді.Сондай-ақ тұрғындар әлеуметтік көмек, жер қатынастары, қылмыстық және әкімшілік істерге қатысты өз сауалдарын қойып, тиісті жауаптар алды.

Мирас САРУАР Ұлытау облысы прокурорының аға көмекшісі

Прокуратура әрдайым халықпен кері байланысты нығайтуға ұмтылады. Біздің міндетіміз әрбір азаматтың өтінішіне мұқият қарап, әділ шешім қабылдау. Ашық есік күндері халықпен тығыз байланыс орнатудың тиімді тетегі болып табылады.

Аталған акцияға ҚР сыбайлас жемқорлыққа қарсы іс-қимыл агенттігінің Ұлытау облысы бойынша департаменті мен полиция департаментінің өкілдері де қатысып, өз салалары бойынша азаматтарды қабылады.

Қуанышбек АБИШЕВ ҚР сыбайлас жемқорлыққа қарсы іс-қимыл агенттігінің Ұлытау облысы бойынша департаментінің превенция басқармасының басшысы

Іс-шара барысында азаматтар Сыбайлас жемқорлыққа қарсы қызмет департаментінің жұмысымен танысып, заңгерлік кеңес алып, көкейлеріндегі сұрақтарын қойып, өз ұсыныстарын білдіре алады. Ашық есік күні құқықтық сауаттылықты арттыруға және сыбайлас жемқорлыққа қарсы мәдениетті қалыптастыруға бағытталды.

Мұндай ауқымды және халықпен ашық форматта жүргізілетін акциялар алдағы уақытта да жалғасатын болады.

ГҮЛІМ МАРАТҚЫЗЫ ДУМАН ОРАЗОВ

«ҰЛЫТАУ» ТЕЛЕАРНАСЫ