ҚР ҚАРЖЫ ВИЦЕ-МИНИСТРІ – ЖЕЗҚАЗҒАНДА » Ұлытау облыстық телерадиокомпаниясы

ҚР ҚАРЖЫ ВИЦЕ-МИНИСТРІ – ЖЕЗҚАЗҒАНДА

Ulytautv 30-июн, 10:56 0 ЖАҢАЛЫҚТАР / ҰЛЫТАУ ОБЛЫСЫ

Жұмыс сапары Жезқазған қаласындағы гидроцехтен басталды. Абзал Бейсенбекұлы мұнда шаруашылық-ауызсу тазарту құрылыстарының екінші және үшінші кезеңін қайта жаңғырту жобасының жүзеге асу барысымен танысты. Аралаудан кейін қаржы вице-министрі өңір тұрғындарымен кездесті. Жиынға басқарма басшылары және қоғам белсенділері қатысты.

Жәнібек НӨПІРОВ Ұлытау облысы әкімінің орынбасары

Қаржы минстрлігі мен бас прокуратурамен бірге жұмыс жасап, біз биылдың өзінде 5 жарым млрд ақша алдық. Ол жаңағы бізде 3 ауылдық елді-мекенде су тартуға жұмсадық, екі мектеп салдық. Манадыр мен Қаражалда соған жұмсадық ақшаны. Сосын үшіншісі былтырғы басталған модернизация сельских водохранение деген программа бар ғой, сол бойынша бізде 12 обьект бітті да, биылға 5 обьект қалған бітпей сосын 2 врачебная амбулатория мини болница ғой, сол 7 обьектіге біз сол арнайы қордан ақша алдық.

Кездесу барысында Ұлытау облысының экономика басқармасының басшысы Нұрлан Абдукалимов өңірдің әлеуметтік-экономикалық дамуына қатысты жан-жақты есеп берді. Ол өнеркәсіп, ауыл шаруашылығы, шағын және орта бизнес сынды салалардағы көрсеткіштерге тоқталып, инвестициялық жобалардың іске асу барысын баяндады. Сонымен қатар, алдағы даму жоспарлары мен өңірдің экономикалық әлеуетін арттыру бағытындағы нақты қадамдар да атап өтілді.

Нұрлан АБДУКАЛИМОВ экономика басқармасының басшысы

Ағымдағы жылдың қаңтар, мамыр айлары бойынша көлік- 20,8 пайызға өсті. Тұрғын үйді пайдалануға беру- 15,5 пайызға, бөлшек сауда – 7,7 пайызға, ауыл шаруашылығы – 1,3 пайызға. Алайда жыл басындағы «Жомарт» кенішінде болған апатқа байланысты жұмыс тоқтатылып, өнеркәсіп- құрылыс инвестиция көрсеткіштері едәуір төмендеді.

Кездесуде ҚР Қаржы вице-министрі Абзал Бейсенбекұлы жергілікті бастамаларды қаржыландырудың жаңа бағыттарымен таныстырды. Ол жергілікті бастамалар мен жобаларға қаржы бөлудің тиімді әрі әділ жолдарын түсіндіріп, әрбір қаражаттың нақты нәтижеге бағытталуы керектігін айтты. Елімізде өңірлерді дамыту үшін республикалық бюджеттен 7,7 триллион теңге бөлінгенін сондай-ақ, бұл қаржы елді мекендердің әлеуметтік, экономикалық әлеуетін арттыруға бағытталғанын жеткізді.

Абзал БЕЙСЕНБЕКҰЛЫ ҚР қаржы вице-министрі

Әр қаражаттың қалай бөлінеді, қайда кетеді, қандай ықпалы тиеді, экономикаға сай қалай әсер етеді, қайтарымы қалай болады біз үшін қазір ең басты мәселелер осы болып табылады. Бізде сала көп. Ол саланың ішінде әртүрлі жобалар бар. Қайсысын қалай қаржыландыратынын біз мен өзім осы ойлаймын жақында 2 аптада ұлттық экономика министрлігі қаржы министрлігімен келісіп осы қағидатты аяқтайтын болады. Ол жақын арада болады.

Сонымен қатар, қаржы саласына қатысты сұрақтар қойылды. Жиынға қатысушылар ауыз сумен 100 пайыз қамту, кәріз жүйесін жаңарту және тұрғын үй-коммуналдық шаруашылық мәселелерін көтерді. Вице-министр көтерілген мәселелерді мұқият тыңдап, қаржы министрлігі тарапынан қолдау болатынын жеткізді. Оның айтуынша, халықтың ұсынысы нақты жобалар мен бастамаларға негіз болуы тиіс.

АЛМА СӘЛІМЖАНҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ