«АУЫЛ» ДЕПУТАТЫ АЙМАҚТАРДЫ АРАЛАУДА

Ulytautv 09-июл, 15:01 0 ЖАҢАЛЫҚТАР / ҰЛЫТАУ ОБЛЫСЫ

Бүгінде саяси ұйымның 300 мыңнан астам мүшесі бар. Еліміздің барлық 20 өңірінде филиалдары жұмыс істейді. Алдымен Таңсауле Серіков партия атқарған жұмыстарды тізіп шықты. Депутат аграрлық банк пен азық-түлік қауіпсіздігіне қатысты заң жобалары «Ауыл» партиясының бастамасымен әзірленгенін атап өтті. Бұл жобалар әзірге талқылау сатысында, заң ретінде әлі қабылданған жоқ. Дегенмен, ең бастысы – бастаманың бар екені, деді ол. Сондай-ақ ол Президенттің тапсырмасына сәйкес ерекше қажеттілігі бар балалардың білім алуына қатысты заң жобасын әзірлеген авторлардың бірі екенін жеткізді.

Таңсауле СЕРІКОВ ҚР Парламенті Мәжілісінің депутаты

Бұл уақытқа дейін ым-ишара тілі.Сөйлеу,есту қабілеті бұзылған азаматтардың тіл мәртебесі жоқ болатын, сол сауалдың негізінде қайтадан қайтарылды.

Қазақстан Республикасы Парламенті Мәжілісінің Әлеуметтік-мәдени даму комитетінің мүшесі әр өңірде мүгедектігі бар жандарға қолдау орталықтарын ашу керек деген пікірде. Басты мақсат-тұрғындардың өмір сүру сапасын жақсарту деді ол. Өз кезегінде, Ауыл партиясынан Ұлытау облыстық мәслихатының депутаты Гүлназ Омарова аймақтағы қол жеткізген нәтижелерге тоқталды.

Гүлназ ОМАРОВА Ұлытау облыстық мәслихатының депутаты

№21 мектепте ерекше қажетілігі бар балаларға арналған кабинет болады. Соған қол жеткіздік. Қазір Ұлытау облысы бойынша 3 мектепке мәслихаттан бекітіліп 80 млн теңге аударылды. Қазіргі таңда сол қаладағы 21 мектепке бөлінді. Ол да бір жетістік деп ойлаймын.

Кездесуде Таңсауле СЕРІКОВ ауыл партиясының 25 жылдық мерейтойына орай ауыл дамуына үлес қосқан партия мүшелеріне, жақтастарына және азаматтарға мерекелік медальдар табыстады. Салтанатты түрде партия қатарына жаңадан қабылданған азаматтарға партиялық билеттер мен төсбелгілерді тапсырды.

ҚР Парламенті Мәжілісінің депутаты Таңсауле Серіковтың жұмыс сапары Талап ауылында жалғасты.Онда ол ауыл халқымен кездесіп, тұрғындардың мәселесін тыңдады. Ашық форматта өткен жүздесуде ауыл халқы инфрақұрылымды дамыту, медициналық қызмет сапасы, жолдардың жағдайы, ауыл шаруашылығын қолдау және жастар бастамалары жөнінде сауалдар қойды.

Таңсауле СЕРІКОВ ҚР Парламенті Мәжілісінің депутаты

Кездесуде Мәжілісте қабылданған және қаралып жатқан заң жобалары, депутаттық сауалдар туралы қысқаша ақпарат беріп, ауыл тұрғындарын толғандыруы мүмкін мәселелерге тоқталдым. Жергілікті халық тарапынан нақты сұрақтар қойылды. Мәселен, бұрын ауылдарға келіп жүрген көшпелі флюорография қызметі екі жылдан бері тоқтап қалған. Сонымен қатар жүнді қайта өңдеу саласында қандай жобалар бар екенін сұрады, бұл бағытта көмек көрсету жөнінде өтініштер болды.

Ауыл шаруашылығын дамыту, ауыл тұрғындарының әл-ауқатын арттыру жолында партия бірқатар маңызды бастамалар көтеріп келеді. Кездесу барысында Таңсауле Серіков шаруаларға төмен пайызбен несие беру, ауызсу мәселесін шешу, инфрақұрылымды жақсарту сынды өзекті мәселелер ұдайы партия назарында екенін айтты.

Таңсауле СЕРІКОВ ҚР Парламенті Мәжілісінің депутаты

Жуырда біз Цифрлық даму министрлігіне 1 пайыздық мөлшерлемемен бюджеттен қаржыландыруды көздейтін ратификацияны қабылдадық. Бұл қаржы ауылдарда интернетті дамытуға бағытталған. Жоба «Интернет әр үйге» деп аталады. Бұл бастама аясында Қазақстан бойынша 3500 ауыл қамтылады. Жобаның негізі — цифрландыру, яғни талшықты-оптикалық байланыс желілері мен мобильді интернетті дамыту.

Оның қорытындысы бойынша депутат көтерілген мәселелерді бақылауға алып, тиісті мемлекеттік органдарға жолдайтынын айтты. Жиын соңында Талап ауылының бірқатар тұрғыны «Ауыл» партиясының қатарына қабылданды.Соынмен қатар, Таңсауле Серіков аймақтағы басқа да әлеуметтік нысандарды аралап, жағдайды бағамдады.

ГҮЛІМ МАРАТҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ