ҚОҒАМ ҚАЙРАТКЕРІ ӨМІРЗАҚ ОЗҒАНБАЕВ ЖЕЗҚАЗҒАНДА

Ulytautv 09-июл, 15:14 0 ЖАҢАЛЫҚТАР / ҰЛЫТАУ ОБЛЫСЫ / ЖЕЗҚАЗҒАН ҚАЛАСЫ

Жезқазған, Қарсақбай, Жезді мен Ұлытау аудандарын аралап жүрген қоғам қайраткері ел ішіндегі ақсақалдармен ақ жаулықты аналармен жүздесіп, бүгінгі аға буынның жас ұрпақ тәрбиесіндегі рөліне ерекше назар аударып келеді. Ардагерлер кеңесімен өткен жиында жастардың тәрбиесі, ұлттық құндылықтарды сақтап қалу мәселелері кеңінен талқыланды. Қала әкімі де қатысып, жиынды ашып берді.

Қайрат ШАЙЖАНОВ Жезқазған қаласының әкімі

Мынау енді жұманың сәті түсіп, жұма күні біздің елімізге, біздің Ұлытау өңірімізге келіп отырсыз. Мына біздің Жезқазған қалалық ардагерлер кеңесі қоғаммен өте едене жұмыс істейтін ақсақалдардың ақыл-кеңесімен, ел ісімен ұштастарып келе жатқан беделді ұйым.

Қазір қоғамды алаңдатып отырған өзекті мәселе – ұрпақ яғни бала тәрбиесі. Бұған ел ертеңін ойлаған әрбір азамат бейжай қарамайтыны анық. Өмірзақ Озғанбаев осы төңіректе ой қозғап, ұлт болашағы үшін үлкендердің сөзі мен ісі бірдей болуы керектігін тілге тиек етті. Бұдан бөлек ол ұлттық болмыс пен дәстүрден алыстамау, ата-бабадан жеткен асыл құндылықтарды сақтау – әр отбасының, әр азаматтың басты міндеті екенін еске салды.

Өмірзақ ОЗҒАНБАЕВ ҚР еңбек сіңірген қайраткері

Біздің және бір ұлы қасиетті есептейтін нәрсеміз, ерекше мән беріп жатқан мәселеміз ол- қазақтың дана ақсақалдары, ол қазақтың аналары. Қай заманда болсын қазақтың төрінде отырған ата мен әке айтқан сөзі екі болмайтын, айтқан сөзі солай орындалатын, әкені сыйлайтын. Ата туралы не айтқан халқымыз- қарты бар үйдің қазынасы бар деген. Кімнің үйінде қарты болса, жазулы тұрған хатпен тең деген.

Кездесу барысында қатысушылар тарапынан жастармен де ашық сұқбат форматында кездесу өткізу туралы ұсыныс айтылды. Тәрбие тек сөзбен емес, үлгі-өнеге арқылы берілуі керек дейді ақсақалдар.

АЛМА СӘЛІМЖАНҚЫЗЫ, ДУМАН ОРАЗОВ

«ҰЛЫТАУ» ТЕЛЕАРНАСЫ