ЖӘЙРЕМ КЕНТІ ТАБИҒИ ГАЗҒА ҚОСЫЛАДЫ

Ulytautv 13-май, 17:57 0 ЖАҢАЛЫҚТАР / ҰЛЫТАУ ОБЛЫСЫ

Жәйрем ауылына газ келетінін естіп, айрықша қуанған жанның бірі Түлкібай Дүйсенбин. Күнделікті пешке от жағып,күл шығару жұмыстарын өзі атқарады. Енді ауылға көгілдір отын берілсе, бұл бейнеттен де құтылатын күн алыс емес дейді ол.

Түлкібай ДҮЙСЕНБИН Жәйрем ауылының тұрғыны

2 жыл болды ауылымызға асфальт төследі, су тартылды, енді газ тарылып жатыр. Тәубе. Жаман емес енді. Енді мынау әкімшілікке рақмет. Жасап жатқан жігіттерге рақмет. Халықтың жағдайын ойлап жатыр ғой қолдарынан келгенше.

Жалпы,Ұлытау облысын газдандыру 2021 жылы басталған. Талап ауылынан басталған жоба одан әрі аудандар мен қалаларда жалғасып, көпшілігі бүгінде көгілдір отынның игілігін көріп отыр.Ал, Қаражал мен Жәйремді газдандыруға республикалық бюджеттен 17 млрд теңге қарастырылған.

Қайрат ЖАНСАГИМОВ Жәйрем кентінің әкімі

Енді қазір тұрғанымыз ескі Жәйрем ауылы. Бұл жерде 248 үй бар. 1200-дей халық тұрады. Барлығы бүгінгі күні көмір жағатын. Енді осы 3 кезеңнен тұратын газданыдыру жұмысы өз жұмысын аяқтағаннан кейін бұл жердің барлығы газға қосылатын болады. Бүгінгі күнде ең төменгі және орта қысымның жұмыстары жүріп жатыр. Және бұл жобаның жалғасы 2027 жылы соңғы қорытындысы жетеді деген ойдамыз.

Ескі Жәйрем ауылына газ желілерін мердігер «Әлия Сервис» ЖШС тартып жатыр. Ешқандай кедергі болмаса, жұмыстар биыл аяқталуы мүмкін.

Артур ЗАЙЫСХАНОВ учаске шебері

Биылғы жылдың сәуір айының 14-нен бастадық жұмысты. Жұмыстың 3 кезеңінің 50 пайызын бітірдік.Негізі 2 жылға берілген объект. Бұл жерде біз биыл ешқандай кедергі болмаса биыл бітерміз. 3 пусковойдың барлығын.

Ескі Жәйремдегі жұмыстар аяқталған соң, Ынтымақ ауылы мен Жәйрем кентінің өзінде газ тарту жұмыстары жалғасын табады.

ГҮЛІМ МАРАТҚЫЗЫ, АЙДОС ӨМІРБЕКҰЛЫ

«ҰЛЫТАУ»ТЕЛЕАРНАСЫ