ӨҢІРГЕ ЖҰМЫС САПАРЫМЕН ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРІ КЕЛДІ
Министр барған алғашқы нысан- Ұлытау облысының арнаулы әлеуметтік қызметтер көрсету орталығы. Светлана Жақыпова мекеменің ішкі жағдайымен танысып, қызмет алушылармен тілдесті. Қазіргі таңда орталықта 200-ден астам адам қажетті көмек алып отыр.
Одан әрі министр Жезқазған қаласындағы «Мансап орталығына» барды.Ондағы жұмыспен қамту және кәсіби бағдар бағытында жүргізіліп жатқан жұмыстарды көрді.Ведомство енгізген цифрлық шешімдерді қолдану есебінен әлеуметтік-еңбек саласындағы мемлекеттік қолдау шараларының тиімділігі мен атаулылығын арттырудың маңызына тоқталды.Министрдің айтуынша, өткен жылдан бері Ұлытау облысында атаулы әлеуметтік көмек алушылардың саны азайып келеді.Қазіргі таңда министрлік мемлекеттік қолдауды көрсетудің жаңа тәсілдерін енгізуде. Пилоттық жоба болашақта еліміздің барлық аймақтарына, соның ішінде Ұлытау облысына да таратылуы жоспарлануда.
Светлана ЖАҚЫПОВА ҚР еңбек және халықты әлеуметтік қорғау министрі
Светлана ЖАҚЫПОВА сапалы жоспарлау мен мемлекеттік инвестициялардың тиімділігін арттыру мақсатында әзірленген «Жобалардың инновациялық навигаторы» қанатқақты жобасы туралы да баяндады.Аталған жүйе мамандарға деген сұранысты талдап, болжайды, сондай-ақ жобалардың тиімділігіне мониторинг жасап, сапасын қадағалайды және үйлестіруді қамтамасыз етеді.
Еңбек министрлі осы және өзге де цифрлық шешімдер азаматтардың еңбек құқықтарын және мемлекеттік кепілдіктерге тең қол жеткізуді, халыққа қолдау шараларын көрсету кезінде ашықтық пен әлеуметтік әділеттілікті қамтамасыз етуге бағытталғанын атап өтті.Сондай-ақ Ұлытау облысы әкімдігімен осы бастамаларды аймақта жүзеге асыру үшін бірлесіп жұмыс істейтінін атап өтті.
ГҮЛІМ МАРАТҚЫЗЫ, АЙДОС ӨМІРБЕКҰЛЫ
«ҰЛЫТАУ» ТЕЛЕАРНАСЫ
